სამხრეთ აფრიკასთან გამართული მატჩის შემდეგ, საქართველოს მორაგბეთა ნაკრებში კორონავირუსით რამდენიმე პირი დაინფიცირდა.

რაგბის კავშირის ოფიციალური გვერდის ცნობით, Covid 19-ი მთავარ მწვრთნელს, ლევან მაისაშვილსაც დაუდასტურდა:

“ძვირფასო მეგობრებო, როგორც მოგეხსენებათ, სამხრეთ აფრიკისა და საქართველოს ნაკრებებში დაფიქსირებული კოვიდ შემთხვევების გამო, სამწუხაროდ, გაუქმდა ბოკესა და ბორჯღალოსნებს შორის გასამართი მეორე ტესტი-მატჩი. ახლანდელი მდგომარეობით, სიმპტომები ჩვენი გუნდის კიდევ რამდენიმე წევრს დაუფიქსირდა, მათ შორის მთავარ მწვრთნელს ლევან მაისაშვილს.

ყველა მათგანის მდგომარეობა სტაბილურია. გულშემატკივარს ასევე აინტერესებს გაიმართება თუ არა ტესტი საქართველოსა და შოტლანდიას შორის, რასთან დაკავშირებითაც გაცნობებთ, რომ ხვალ დილით ველით კოვიდ-ტესტების პასუხებს, რომლის შემდეგაც დაზუსტებით მოგაწვდით ინფორმაციას საქართველო - შოტლანდიის მატჩის გამართვასთან დაკავშირებით“, - წერია განცხადებაში.

კორონავირუსი მეტოქე გუნდის რამდენიმე მორაგბესაც დაუდასტურდა - ამ მიზეზის გამო ხსენებული ნაკრებების მიერ დაგეგმილი მეორე ჯახი ჩაიშალა.

მაისაშვილი დაინფიცირდა

საქართველოს მორაგბეთა ნაკრებში კორონავირუსი მძვინვარებს

ასევე იხილეთ

უახლესი ამბები