Metaratings-ის ცნობით ხვიჩა კვარაცხელია ყაზანის რუბინს დატოვებს და კარიერას მილანში გააგრძელებს.

წყარო ამტკიცებს, რომ “როსონერისთან“ კავშირზე პირადად კახა კალაძეა გასული.

მილანზე კალაძემ მედიასთან კარგა ხნის წინ ისაუბრა:

„მე როგორც გულშემატკივარი, ვისურვებდი, რომ ისეთ კლუბთან გააფორმოს კონტრაქტი, სადაც უფრო მეტ თამაშს შეძლებს, რადგან ძალიან ახალგაზრდაა.

მერე უფრო მეტი შესაძლებლობა ექნება, რომ ძლიერ გუნდში გადავიდეს. ჩემთვის ასეთი კიევის დინამო იყო, სადაც გამოსვლამ მილანში გადასვლა ძალიან გამიადვილა“, - თქვა კალაძემ პირველი არხის ეთერში.

შეგახსენებთ, რომ უკვე დიდი ხანია ხვიჩა კვარაცხელიას ტრანსფერთან დაკავშირებით საუბრები არ წყდება. სხვადასხვა წყაროებზე დაყრდნობით, ქართველი ფეხბურთელის გადაბირებით ლიდს იუნაიტედი, იუვენტუსი, მილანი, სევილია და სხვა ევროპული გრანდები არიან დაინტერესებულნი.

ამის ფონზე Championat.com-ი ხვიჩას მინუსებზე წერს, რაც მის ახალ კლუბში გადასვლაში ხელს უშლის:

1. ხვიჩამ მაღალ დონეზე ერთი სეზონი ითამაშა, რაც ბევრი მსურველისთვის საკმარისი შედეგი არ არის

2. კვარაცხელიას რეალიზაციის პრობლემა აქვს - 22 მატჩი, 4 გოლი

3. ევროკავშირის პასპორტის არ ქონა

4. რუსეთის ჩემპიონატი რეპუტაცია - აგენტები ხშირად არ აკვირდებიან პრემიერ ლიგას.

მილანს კვარაცხელიას მიმდინარე წლის გაზაფხულიდან უკავშირებდნენ, მაგრამ ბოლო დროს ლომბარდიელთა ვარიანტი უფრო ჩრდილში იყო მოქცეული.

კვარაცხელიას ფასი Transfermarkt-ის მონაცემებით ამ დროისთვის 18 მილიონი ევროა.

Metaratings-ი: „ხვიჩა მილანში გადადის“

კვარაცხელია რუბინს ტოვებს

ასევე იხილეთ

უახლესი ამბები