სპორტის ახალ სასახლეში SBM ოქროს ლიგის ფინალი გაიმართა, სადაც ერთმანეთს კროკობეთისა და კავკასიის ავტო იმპორტის გუნდები დაუპირისპირდნენ. მატჩი კბი-მ აქტიურად დაიწყო და უპირატესობასაც ფლობდა, თუმცა პირველი ტაიმის ნახევარში კროკობეთი გააქტიურდა და მეტოქის კართან არაერთი სახიფათო მომენტიც შექმნა.

პირველი გოლი პირველი ტაიმის მეოცე წუთზე გავიდა. შორეული გასროლით ანგარიში გიორგი ჩიქოვანმა გახსნა და კროკობეთი დააწინაურა - 1:0.

პირველის მსგავსად, მეორე ტაიმიც კავკასიის ავტო იმპორტმა აქტიურდ დაიწყო და რამდენიმე ძალიან კარგი საგოლე მომენტიც ჰქონდა. საბოლოოდ კაი-მ ანგარიში მეშვიდე წუთზე გაათანაბრა. მე-12 წუთზე კი კროკობეთის ფეხბურთელებმა დაცვაში შეცდომა დაუშვეს, რითიც კაი-ს ფეხბურთელმა მაჩხანელმა ისარგებლა, მეტოქეს ბურთი აართვა და ცარიელ კარში გოლის გატანა არ გასჭირვებია.

დარჩენილ დროში კროკობეთმა მეტოქეს კარის მისამართით შეტევებს უმატა და შეხვედრის ძირითადი დროის ამოწურვამდე ერთი წუთით ადრე, კროკობეთის მეკარემ, კოტრიკაძემ ცენტრიდან დაარტყა და ანგარიში გაათანაბრა.

შედეგად, ძირითად დროში გამარჯვებული არ გამოვლინდა და დამატებითი, 5-წუთიანი ტაიმები დაინიშნა. ექსტრა ტაიმების პირველ ნახევარში ინიციატივას კაი ფლობდა, კროკობეთი კი ძირითადად თავს იცავდა.

მეორე დამატებითი ტაიმის პირველ წუთზე კი კროკობეთმა აუტი გაითამაშა და ბერბიჭაშვილმა მახვილი კუთხიდან დარტყმის შემდეგ, თავისი გუნდი დააწინაურა. ამის შემდეგ, კავკასიის ავტო იმპორტს ანგარიშის გათანაბრების კარგი შანსები ჰქონდა, თუმცა ორივე შემთხვევაში კროკობეთი ძელმა იხსნა. ბოლო წამებზე კი იერიშზე მთელი გუნდით გადასულ კაიმ კიდევ ერთი გოლი გაუშვა, ტაბლოზე საბოლოო ანგარიში, 4-2 დაფიქსირდა და კროკობეთი ბიზნეს ჩემპიონთა ლიგაზე ოქროს ლიგის ჩემპიონი გახდა.

კროკობეთი ოქროს ლიგის ჩემპიონია

﻿კროკობეთმა ფინალში კავკასიის ავტო იმპორტის გუნდი დაამარცხა

უახლესი ამბები

კროკობეთმა ფინალში კავკასიის ავტო იმპორტის გუნდი დაამარცხა