ეროვნული ლიგის ბინადარი – თბილისის ლოკომოტივი დღეს 85 წლის იუბილეს აღნიშნავს. დედაქალაქური კლუბი 1936 წლის 14 აგვისტოს დაარსდა და ის რკინიგზის ტრანსპორტის მუშაკთა საკავშირო ნებაყოფლობით სპორტულ საზოგადოებას წარმოადგენდა.

ლოკომოტივი თამაშობდა საბჭოთა სოციალისტური რესპუბლიკის კავშირის ჩემპიონატების უმაღლეს (1938 და 1940), პირველ (1939, 1947-1948 და 1957-1970), მეორე (1936-1937, 1981-1982, 1984-1986 და 1988-1989) ლიგებსა და საქართველოს სსრ ჩემპიონატის პირველ ჯგუფში (1937, 1943, 1945, 1955-1956, 1971-1975 და 1983).

ლოკომოტივმა 1980-იანი წლების ბოლოსა და 90-იანი წლების დასაწყისში სახელი რამდენჯერმე შეიცვალა. 1988-1989 წლებში გუნდი ომც ლოკომოტივის სახელით თამაშობდა. 1990-1993 წლებში კლუბი მერანის, ხოლო 1993-1995 წლებში კი მერანი-ბაჩოს სახელს ატარებდა.

1990 წლიდან კი საქართველოს ეროვნულ ჩემპიონატების უმაღლეს (1997), პირველ (1991-1995 და 1996-1997) და მეორე (1990-1991) ლიგებში იღებდა მონაწილეობას.

ამ პერიოდიდან ლოკომოტივი საქართველოს რკინიგის მფლობელობაში იყო და კლუბსაც სწორედ ეს ორგანიზაცია აფინანსებდა. ლოკომოტივის, უშუალოდ რკინიგზის დეპარტამენტის თავმჯდომარე, აკაკი ჩხაიძე ხელმძღვანელობდა.

დამოუკიდებლობის შემდეგ, ლოკომოტივმა პირველ წარმატებას 1997 წელს მიაღწია, როცა გუნდი საქართველოს პირველი ლიგის ჩემპიონის ტიტული მოიპოვა. 2001 და 2002 წელს, კლუბი ქვეყნის ვიცე-ჩემპიონი, ზედიდზედ ორჯერ გახდა.

2000 და 2002 წელს, ლოკომოტივმა საქართველოს თასი და შესაბამისად, უეფას თასის საკვალიფიკაციო ეტაპზე თამაშის უფლება ორჯერ მოიპოვა.

ამ პერიოდის შემდეგ, ლოკომოტივის პრეზიდენტი ლექსო თოფურია გახდა, რომელმაც კლუბში მრავალმილიონიანი ინვესტიცია განახორიელა.

2004 წელს, მან საქართველოს რკინიგზის დეპარტამენტისგან, კლუბის აქციების 75% პროცენტი გამოისყიდა. 25 %-იანი წილის მფლობელი კი ირაკლი მაჭავარიანია, რომელმაც კლუბის აქციები ქონების მართვის სააგენტოსგან შეიძინა. 2005 წელს, ლოკომოტივმა მესამედ მოიპოვა დავით ყიფიანის სახელობის საქართველოს თასი.

ამავე წელს, ლექსო თოფურიასა და კლუბის მაშინდელი დირექტორის, ლევან ყიფიანის ინიციატივით, დაიწყო საგურამოს ბაზის მშენებლობა.
ამჟამად, ლოკომოტივის ბაზის 70 % კლუბის, ხოლო 30 % საქართველოს ფეხბურთის ფედერაციის მფლობელობაშია.

ინფრასტრუქტურის შექმნის შემდეგ, ლოკომოტივმა დაარსა ბავშვთა საფეხბურთო აკადემია, რომელიც თბილისისა და საგურამოს მოედნებზე ფუნქციონირებს. აკადემია თვითდაფინანსებადი სტრუქტურაა, რომელიც 12 ასაკობრივ გუნდსა და 300-მდე ფეხბურთელს აერთიანებს.

თბილისის ლოკომოტივის საქართველოს საბჭოთა ჩემპიონატის ორგზის გამარჯვებულია. გუნდმა პირველი ტიტული 1937 წელს, სწორედ აღნიშნულ ჩემპიონატში მოიგო. 1945 წელს ლოკომოტივი მეორედ გახდა საქართველოს საბჭოთა ჩემპიონი.

1961 წელს ლოკომოტივის საქართველოს საბჭოთა ჩემპიონატის პირველი ლიგის გამარჯვებული გახდა. 1939 და 1960 წლებში კი ვიცე-ჩემპიონი. აღნიშნულ ჩემპიონატში ლოკომოტივმა ორჯერ დაიკავა მესამე ადგილი, 1947 და 1969 წლებში. 1963 წელს გუნდი საქართველოს საბჭოთა ჩემპიონატის მეორე ლიგის გამარჯვებული გახდა.

საქართველოს დამოუკიდებლობის შემდეგ, თბილისის ლოკომოტივმა პირველი ტიტული 1997 წელს მოიპოვა. კლუბი საქართველოს პირველი ლიგის ჩემპიონი გახდა. აღნიშნული გათამაშება, ლოკომოტივმა მეორედ 2013 წელს მოიგო. 2001 და 2002 წელს, ლოკომოტივი ახლოს იყო ჩემპიონობასთან. ორივე შემთხვევაში, კლუბმა სეზონი მეორე ადგილზე დაასრულა და შესაბამისად ეროვნული ჩემპიონატის ვიცე-ჩემპიონი გახდა.

ლოკომოტივი დავით ყიფიანის სახელობის საქართველოს თასის სამგზის მფლობელია. გუნდმა ქვენის თასი 2000, 2002 და 2005 წლებში მოიპოვა. 2001 წელს კი ფინალში ქუთაისის ტორპედოსთან, პენალტების სერიაში დამარცხდა.

2021 წლის საფეხბურთო სეზონის დაწყების წინ, თბილისის ლოკომოტივის ახალი სპონსორი კომპანია კროკობეთი გახდა. კლუბის მედია პარტნიორია Croco.ge, რომელიც დედაქალაქურ გუნდს 85 წლის იუბილეს ულოცავს და სამომავლოდ წარმატებებს უსურვებს!

წყარო: fcloco.ge

დღეს თბილისის ლოკომოტივის დაბადების დღეა

დედაქალაქური კლუბი იუბილარია

უახლესი ამბები