გავლენიანი ესპანური გამოცემა MARCA წერს, რომ საფეხბურთო კლუბი ვალენსია გიორგი მამარდაშვილის გამოსყიდვას ჩქარობს.

„ღამურების“ ხელმძღვანელები 20 წლის ქართველი ფეხბურთელის აგენტთან მოლაპარაკებებს უახლოეს პერიოდში გამართავენ.

ტრანსფერის დეტალებზე და ზოგადად მამარდაშვილის ფინანსურ სარგებელზე Plazadeportivo საკმაოდ ვრცელ მასალას აქვეყნებს.

გამოცემის ცნობით, ვალენსიელები 20 წლის ქართველ მეკარეს 2020 წლის 1 იანვრამდე 850 000 ევროდ გამოისყიდიან.

ვალენსია ამ თანხას თბილისის დინამოს ორ ეტაპად გადაუხდის. ის კლუბთან სამწლიან კონტრაქტს, 2025 წლამდე გააფორმებს.

ხელფასის სახით კი, იგი წელიწადში მილიონ ევრომდე მიიღებს.

შეგახსენებთ, მამარდაშვილი თბილისის დინამოს საკუთრებაა და ის ესპანურ გუნდში იჯარის წესით ირიცხება.

Plazadeportivo მამარდაშვილის ხელფასს ასაჯაროებს

უახლესი ამბები