საკალათბურთო კლუბი თბილისის ტიტები ახალი სეზონისთვის მზადებას და გუნდის დაკომპლექტებას განაგრძობს.

როგორც ცნობილი ხდება, 2021/22 წლების სეზონისთვის თბილისურ კლუბს მეორე ლეგიონერი შეუერთდა. 26 წლის ამერიკელმა ცენტრმა, ჯავიონ ოგუნეიემმა (208 სმ.) ტიტებთან ერთწლიანი კონტრაქტი გააფორმა.

2013-2017 წლებში ოგუნიემი NCAA1-ში, სიანეას კოლეჯში ასპარეზობდა.

2017 წლიდან ჯავიონი ევროპაში სათამაშოდ ჩამოვიდა და ერთი სეზონი უნგრეთის NBIA ლიგაში გაატარა და ატომერომუს რიგებში თამაშობდა. ხოლო, მომდევნო სეზონში კვიპროსულ აპოლონ ლიმასოლში ითამაშა. ბოლო ორი წელი კი ავსტრიული ალიანც სვანს გმუნდენის ღირსებას იცავდა, სადაც მისი საშუალო მონაგარი 11.2 ქულას, 6.6 მოხსნასა და ერთ შედეგიან გადაცემას შეადგენდა.

შეგახსენებთ, რომ ახალი სეზონიდან თბილისის ტიტებს ახალი მთავარი მწვრთნელი ეყოლება. აღნიშნულ პოსტს საქართველოს ეროვნული ნაკრებისა და ტიტების ყოფილი კალათბურთელი, ბესიკ ლეჟავა დაიკავებს.

აქვე დავძენთ, რომ ტიტებმა ჯავიონ ოგუნიემამდე ამერიკელი უკანახაზელი, ჯორდან რობერტსონი დაიმატეს.

ტიტებმა მორიგი ლეგიონერი დაიმატეს

ტიტები 26 წლის ამერიკელი ლეგიონერით გაძლიერდა

ასევე იხილეთ

უახლესი ამბები