გუშინ თორნიკე შენგელიას ცსკა–მ VTB ლიგის სუპერთასის ფინალური ეტაპის საგზური მოიპოვა. მოსკოველებმა ლოკომოტივ–ყუბანი დაამარცხეს და გადამწყვეტ მატჩში დღეს ზენიტს დაუპირისპირდნენ.

ქართველი კალათბურთელის გუნდმა 81:73 იმარჯვა და ტიტულს დაეუფლა. ეს კი იმას ნიშნავს, რომ საქართველოს ეროვნული ნაკრების კაპიტანმა, ახალ სეზონში პირველი ტიტულის მოგება შეძლო. დღეს თოკო სასტარტო ხუთეულში იყო. მან პარკეტზე 17:58 წუთი გაატარა.

ამ პერიოდში მან შვიდი ქულა ჩააგდო. აქტივში ასევე მიითვალა ცხრა მოხსნა, ერთი ჩაჭრა და ამდენივე დაფარება. შენგელიამ ცხრიდან სამი ორქულიანი ჩააგდო. ზუსტი იყო მისი ორიდან ერთი საჯარიმოც. მან ბურთ სამჯერ დაკარგა, მიიღო ერთი პერსონალური ფოლი და მის წინააღმდეგაც ერთხელ დაჯარიმდნენ.

თორნიკე შენგელიას სარგებლიანობის კოეფიციენტი რვას გაუტოლდა. აღსანიშნავია, რომ ზენიტის შემადგენლობაში საქართველოს ნაკრების ნატურალიზებულ კალათბურთელ – კონერ ფრენკამპს არ უთამაშია.

23 სექტემბერს, მოსკოველები VTB ლიგის ახალი სეზონის პირველ მატჩს გამართავენ. ისინი სტუმრად ცმოკი–მინსკის დამარცხებას შეეცდებიან.

Победная раздевалка 🏆 ❤️💙 pic.twitter.com/xzUEFQVJ44
— CSKA Moscow (@cskabasket) September 19, 2021

შენგელიამ ცსკა–ს რიგებში სუპერთასი მოიგო

ასევე იხილეთ

უახლესი ამბები