გიორგი შერმადინის ლენოვო ტენერიფემ, ბილბაო ACB ლიგის მესამე ტურში, 89:79 დაამარცხა. მატჩი საკმაოდ დაძაბული გამოდგა. მართალია, პირველი მეოთხედი ბასკებმა მოიგეს, თუმცა მასპინძლებმა ამის შემდეგ უპირატესობა მოიპოვეს.

აღსანიშნავია, რომ შერმადინი ორივე გუნდის რიგებში საუკეთესო იყო. ქართველმა კალათბურთელმა პარკეტზე არასრული 23 წუთი გაატარა და 19 ქულის ჩაგდება შეძლო. მის აქტივში ასევე ფიქსირდება ოთხი მოხსნა და ორი პასი. მან ცხრიდან შვიდი ორქულიანი და ექვსიდან ხუთი საჯარიმო ჩააგდო.

გიორგის მარგი ქმედების კოეფიციენტი 26–ს გაუტოლდა. ეს კი ორივე გუნდის შემადგენლობაში საუკეთესო შედეგი იყო და ქართველი კალათბურთელი MVP გახდა. სამი ტურის შემდეგ, ლენოვო ტენერიფეს ორი მოგება და ერთ მარცხი უფიქსირდება. ამ მომენტისთვის გუნდი სატურნირო ცხრილში მეექვსე ადგილს იკავებს. მომდევნო მატჩი "შერმინატორის" გუნდს სამ ოქტომბერს ელის. ისინი სტუმრად რეალს დაუპირისპირდებიან.

🏀 #MVP @gioshermadini 👇 pic.twitter.com/NzUuAzNcw9
— Lenovo Tenerife (@CB1939Canarias) September 25, 2021

შერმადინი ბილბაოსთან MVP გახდა

გიომ 19 ქულა ჩააგდო

ტენერიფემ ბილბაო დაამარცხა

ასევე იხილეთ

უახლესი ამბები