საქართველოს ეროვნულმა ნაკრებმა, მსოფლიო ჩემპიონატის საკვალიფიკაციო ეტაპის მატჩებისთვის მზადება გუშინ დაიწყო. ოთხ ოქტომბერს ვილი სანიოლის გუნდმა არასრული შემადგენლობით ს.კ. ზესტაფონის თბილისის ზღვის ბაზაზე ივარჯიშა.

დღეს ცნობილი გახდა, რომ საკოორდინაციო საბჭოს გადაწყვეტილებით, აღნიშნულ მატჩს, გულშემატკივრების 33 პროცენტი დაესწრება. ამას კი მხოლოდ ის ადამიანები შეძლებენ, რომლებიც ვაქცინირებულნი არიან და აქვთ ამის დამადასტურებელი დოკუმენტი ან ექნებათ 72 საათიანი ვალიდურობის PCR ტესტი ან 24 საათიანი ვალიდურობის ანტიგენ ტესტის უარყოფითი პასუხი. თამაშს ასევე დაესწრებიან ისინიც, რომლებიც წარმოადგენენ ცნობას, რომ კორონავირუსი ბოლო ექვსი თვის განმავლობაში გადაიტანეს.

რაც შეეხება ბილეთების გაყიდვის საკითხს, სფფ ამასთან დაკავშირებით ინფორმაციას ავრცელებს.

ბილეთების გაყიდვა, 6 ოქტომბერს დღის 12:00 საათზე დაიწყება. შეხვედრაზე დასასწრები ყველა ბილეთის რეალიზაცია ონლაინ რეჟიმში TKT.ge-ზე მოხდება. ბილეთის ფასი 5, 15 და 25 ლარია.

ერთ მომხმარებელს შეუძლია მაქსიმუმ სამი ბილეთის შეძენა
ბილეთებთან დაკავშირებით დამატებითი ინფორმაციისთვის მიმართეთ TKT.ge-ს

ქვეყანაში არსებული Covid 19-ის რეგულაციების დასაცავად და უსაფრთხოების ნორმების უზრუნველსაყოფად, გულშემატკივრებს მოუწოდებენ, რომ მატჩის მასპინძელ სტადიონზე დროულად მობრძანდნენ.

სტადიონის შესასვლელები გაიღება 17:00 საათიდან
სტადიონის შიდა ტერიტორიაზე მოხვედრა მხოლოდ ბილეთზე მითითებული შესასვლელი კარით იქნება შესაძლებელი
შესასვლელთან გულშემატკივარმა უნდა წარმოადგინოს: მატჩის ბილეთი | პირადობის დამადასტურებელი მოწმობა | ან ვაქცინაციის დამადასტურებელი დოკუმენტი | ან 72 საათიანი ვალიდურობის PCR ტესტის უარყოფითი პასუხი | ან 24 საათიანი ვალიდურობის ანტიგენ ტესტის უარყოფითი პასუხი | ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობა
სტადიონის ტერიტორიაზე სავალდებულოა პირბადის ტარება
სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი

ფოტო: GFF

საქართველო VS საბერძნეთი - ინფორმაცია ბილეთების შესახებ

საქართველო საბერძნეთს ცხრა ოქტომბერს უმასპინძლებს

მატჩს გულშემატკივრებიც დაესწრებიან

უახლესი ამბები