საქართველოს ეროვნული საფეხბურთო ნაკრები მიმდინარე წლის ნოემბერში ამხანაგურ შეხვედრას გამართავს. ვილი სანიოლის გუნდი 2021 წლის ბოლო მატჩში, საკუთარ მოედანზე უზბეკეთის ეროვნულ ნაკრებს დაუპირისპირდება. შეხვედრა 15 ნოემბერს, 18:00 საათზე დაიწყება.

უზბეკეთის წინააღმდეგ გასამართ მატჩამდე საქართველოს ეროვნული ნაკრები 2022 წლის მსოფლიო ჩემპიონატის საკვალიფიკაციო ეტაპის დასკვნით მატჩს შვედეთის წინააღმდეგ გამართავს. საქართველოსა და შვედეთის ეროვნულ ნაკრებთა დაპირისპირებას 11 ნოემბერს, 21:00 საათზე ბათუმის ახალი სტადიონი უმასპინძლებს.

შეგახსენებთ, რომ ჩვენმა ნაკრებმა, მოახლოებული მსოფლიო ჩემპიონატის საკვალიფიკაციო ეტაპზე, შვიდი შეხვედრა უკვე ჩაატარა და მის აქტივში ოთხი ქულა ფიქსირდება. ამ მაჩვენებლით კი სანიოლის შეგირდები, B ჯგუფში ბოლოსწინა, მეოთხე ადგილს იკავებენ. მომდევნო დაპირისპირება კი როგორც უკვე მოგახსენეთ, ამ მომენტისთვის ჯგუფის ლიდერ შვედეთთან ელით.

ფოტო: GFF

საქართველო ნოემბერში ამხანაგურ მატჩს ჩაატარებს

ჯვაროსნებმა ამხანაგური თამაში დანიშნეს

ასევე იხილეთ

უახლესი ამბები