ეროვნული ლიგის 30-ე ტურის ეგიდით, სამგურალმა თელავს უმასპინძლა. ამ შეხვედრამდე, მასპინძლებს აქტივში 36 ქულა უფიქსირდებოდათ და სატურნირო ცხრილში მეექვსე ადგილს იკავებდნენ, ხოლო სტუმრები 32 ქულით მეშვიდე პოზიციაზე იმყოფებოდნენ.

გამარჯვება და სამი ქულის მოპოვება, დღეს ორივე გუნდისთვის ძალიან მნიშვნელოვანი იყო. მწვრთნელების გადაწყვეტილებით, კლუბებმა თამაში შემდეგი შემადგენლობებით დაიწყეს.

სამგურალი: ქვილითაია, პატარკაციშვილი, გილმორი, კირკიტაძე, ახვლედიანი, ვერულიძე, ქურდაძე, ლექვთაძე, თევზაძე, ბურჯანაძე, კიკაბიძე.

თელავი: სანიკიძე, თევზაძე, მარაქველიძე, ბაშელეიშვილი, ჯანელიძე, რუხაძე, ჟუნიორი, ფაცაცია, შერგელაშვილი, თოლორდავა, ჩუკვურა.

ანგარიში სტუმრებმა გახსნეს. 45+5-ე წუთზე, თავი ირაკლი რუხაძემ გამოიჩინა. მატჩის მიწურულს, მსაჯმა თელაველთა მეკარე მოედნიდან გააძევა. 97-ე წუთზე კი მეორე ყვითელი ფონიავამ სიმულაციისთვის მიიღო და მასპინძლებიც ათი კაცით დარჩნენ. ტაბლოზე ანგარიში აღარ შეცვლილა. შედეგად, გიორგი მიქაძის გუნდმა გამარჯვება და სამი ქულა მოიპოვა.

თელავის სპონსორია კროკობეთი - მედია პარტნიორი Croco.ge

თელავმა სტუმრად სამგურალი დაამარცხა

ასევე იხილეთ

უახლესი ამბები