ცნობილია, რომ საქართველოს ეროვნული ნაკრები, ექვს თებერვალს 15:00 საათზე, პორტუგალიას დაუპირისპირდება. აღნიშნული შეხვედრა რაგბი ევროპის ჩემპიონატის ეგიდით შედგება, რომელიც 2023 წლის მსოფლიო თასის შესარჩევი ეტაპიც გახლავთ.

მატჩი მიხეილ მესხის სახელობის სტადიონზე გაიმართება. ბილეთების გაყიდვა კი მხოლოდ ონლაინ რეჟიმშია შესაძლებელი. მათი ფასი კი 5, 10, 15 და 20 ლარი გახლავთ.

ცნობილია, რომ არსებული კოვიდრეგულაციებიდან გამომდინარე, ამ მატჩზე გულშემატკივრების მხოლოდ 33 პროცენტი დაიშვება.

თამაშზე დასწრების წესები და რეკომენდაციები

აუცილებელი კოვიდ შემოწმების გათვალისწინებით, სტადიონზე შესვლა მაქსიმალურად მოკლე დროში რომ მოხდეს, უნდა გაითვალისწინოთ, რომ თან იქონიოთ:

თამაშის (ელექტრონული) ბილეთი და პირადობის დამადასტურებელი მოწმობა;

კოვიდ–ვაქცინაციის დამადასტურებელი დოკუმენტი (სასურველია ამობეჭდილი QR კოდით);

ან 72-საათიანი ვალიდურობის PCR ტესტის უარყოფითი პასუხი (სასურველია ამობეჭდილი);

ან 24-საათიანი ვალიდურობის ანტიგენტესტის (სწრაფი ტესტი) უარყოფითი პასუხი (ამობეჭდილი);

ან ბოლო 6 თვის განმავლობაში კორონავირუსული ინფექციის გადატანის დამადასტურებელიცნობა (ამობეჭდილი);

ან წინასწარ შებრძანდით გვერდზე: www.covidpass.moh.gov.ge და ეკრანზე გქონდეთ წარმოდგენილი QR კოდი;

ან წინასწარ შებრძანდით აპლიკაციაში Georgia E-Health და ეკრანზე გქონდეთ წარმოდგენილი QR კოდი;

სტადიონის ტერიტორიაზე სავალდებულოა პირბადის ტარება;

სოციალური დისტანციის დასაცავად, აუცილებელია, ყველა გულშემატკივარმა დაიკავოს ბილეთზე მითითებული ადგილი.

საქართველო – პორტუგალიის მატჩზე ბილეთების გაყიდვა დაიწყო

ბორჯღალოსნები პორტუგალიის ნაკრებს უმასპინძლებენ

უახლესი ამბები