ორი დაუმარცხებელი მებრძოლი – ილია თოფურია და მოვსარ ევლოევი ბრძოლაზე რამდენიმე თვის წინ შეთანხმდნენ. ისინი ერთმანეთს UFC 270–ზე 23 იანვარს უნდა შეხვედროდნენ, თუმცა რამდენიმე დღის წინ ცნობილი გახდა, რომ ევლოევი კორონავირუსის გამო, ბრძოლიდან ჩაეხსნა.

ამის შემდეგ კი "მატადორმა" შარლ ჟორდანის სახით ახალი მეტოქე იპოვა. ყველაფერი თითქოს გეგმის მიხედვით მიდიოდა, თუმცა გუშინ გაირკვა, რომ ილიას ექიმებმა ამ ღონისძიებიდან ჩახსნა ურჩიეს. ამის მიზეზი კი ის გახდა, რომ ქართველ სპორტსმენს წონის კლების პროცესში, ჯანმრთელობის პრობლემები შეექმნა.

ილიამ ექიმების რჩევა გაითვალისწინა. შესაბამისად, ამაღამ ის შარლ ჟორდანის წინააღდეგ არ იასპარეზებს. ახლა კი მოვსარ ევლოევმა სოციალური ქსელის მეშვეობით თოფურია ხელმეორედ გამოიწვია და მასთან შეხვედრის სურვილი კვლავ გამოხატა.

UFC, გთხოვ მომცე უფლება, რომ ილია "ბუმერანგ" თოფურიასთან უთანხმოება UFC LONDON–ზე მარტში მოვაგვარო. ილია, მოყვარულო თუ გსურს, რომ შეთანხმებულ წონაში ვიბრძოლოთ, გამაგებინე. ვარდისფერი კოსტიუმის ჩაცმა არ დაგავიწყდეს.

UFC let me settle the differences with Ilya “Boomerang” Topuria in London on March 19th, lets make it loud! @Topuriailia let me know if you need the catchweight you amateur and don’t forget your pink suit
— Movsar Evloev (@MovsarUFC) January 22, 2022

ილია თოფურია ბრძოლაში ხელახლა გამოიწვიეს

ევლოევს თოფურიასთან ბრძოლა ისევ სურს

უახლესი ამბები