ქართველი მებრძოლი, ზვიად ლაზიშვილი ყველაზე პრესტიჟულ ორგანიზაცია UFC–ში აღარ იასპარეზებს. ამის შესახებ ინფორმაცია MMAFIGHTING–მა გაავრცელა. ქართველმა მებრძოლმა, ყოველივე ეს ამერიკულ გამოცემას დაუდასტურდა.

მოგეხსენებათ, რომ ზვიადმა UFC–ში სადებიუტო ბრძოლა გასული წლის ოქტომბერში ჯონათან მარტინესთან გამართა და დამარცხდა. ეს მის კარიერაში პირველი წაგება გახლდათ. რამდენიმე კვირის წინ კი გავრცელდა ინფორმაცია, რომ ლაზიშვილი ცხრა თვიანი დისკვალიფიკაციით დაისაჯა. ამის მიზეზი კი ის იყო, რომ მის ორგანიზმში აღმოჩნდა პრეპარატი, რომელიც აკრძალულ ნივთიერებას შეიცავდა. სასჯელის ვადა კი სადებიუტო ორთაბრძოლიდან აითვალა.

შემდგომ ზვიადს CROCOSPORT–ი დაუკავშირდა და ამ საკითხზე ესაუბრა. ქართველმა სპორტსმენმა განაცხადა, რომ ზაფხულამდე ბრძოლას მაინც არ აპირებდა, თუმცა ამ შემთხვევაში თავს უდანაშაულოდ მიიჩნევდა, რადგან ექიმი გაფრთხილებული ჰყავდა, რომ იყო სპორტსმენი და მას მკურნალობა ეკრძალებოდა ისეთი პრეპარატებით, რომელიც აკრძალულ ნივთიერებებს შეიცავდა.

ახლახანს კი გაირკვა, რომ მან UFC დატოვა. ზვიადს ბრძოლის გამართვის უფლება 2022 წლის 23 აგვისტოდან ექნება.

ლაზიშვილმა UFC დატოვა

ზვიად ლაზიშვილი UFC–ის მებრძოლი აღარ არის

უახლესი ამბები