მოგეხსენებათ, რომ დაუმარცხებელმა ქართველმა მებრძოლმა, ილია თოფურიამ ბოლოს ლონდონში, 19 მარტის ღონისძიებაზე იასპარეზა და მეორე რაუნდში მასპინძელი ჯაი ჰერბერტი დაანოკაუტა. ამის შემდეგ, "მატადორმა" ოქტაგონიდან პედი პიმბლეტი გამოიწვია, თუმცა ამ ორთაბრძოლის გამართვა უახლოეს მომავალში ნაკლებად სავარაუდოა, რადგან თავად პედი ილიასთან შეხვედრით ამჟამად დაინტერესებული არ არის.

მოგახსენებთ, რომ თოფურიამ, რომელიც როგორც წესი ქვემსუბუქ დივიზიონში გამოდიოდა ხოლმე, ლონდონში მსუბუქ წონით კატეგორიაში იჩხუბა და მისთვის ეს ამ წონაში სადებიუტო გამოსვლა გახლდათ. ილია ამბობს, რომ შეუძლია ორივე დივიზიონში აქტიური იყოს და 2022 წელს ოთხი ან ხუთი ბრძოლა გამართოს.

უცხოური გამოცემები ქართველ სპორტსმენს ხშირად აქებენ და იუწყებიან, რომ ის UFC–ში ერთ–ერთი ყველაზე პერსპექტიული მებრძოლია, რომელსაც ჩემპიონობის დიდი შანსი აქვს, თუმცა ამ ეტაპზე უცნობია თუ ვინ იქნება მისი მომავალი მეტოქე.

ივარაუდება, რომ ორგანიზაცია "მატადორისთვის" მომავალ მოწინააღმდეგეს ქვემსუბუქი დივიზიონის ტოპ 15–დან აარჩევს. სოდიქ იუსუფი, რომელიც რეიტინგის მე–11 ნომერია და ამავე დივიზიონის რეიტინგში მე–14 პოზიციაზე მყოფი შეინ ბურგოსი ილია თოფურიასთან ბრძოლის უმთავრეს კანდიდატებად მიიჩნევიან. მოგახსენებთ, რომ ამჟამად თავად დაუმარცხებელი ქართველი ტოპ 15–ს ხურავს და იმის მიუხედავად, რომ მას მოვსარ ევლოევთან შეხვედრის სურვილიც აქვს, ამ უკანასკნელს ბრძოლა ივნისში უკვე ჩანიშნული აქვს.

ვინ იქნება თოფურიას მომავალი მეტოქე?!

პიმბლეტთან ბრძოლა ნაკლებად სავარაუდოა

უახლესი ამბები