მოგეხსენებათ, საფეხბურთო კლუბ სლოვანის რიგებში 3 ქართველი ფეხბურთელი ირიცხება (ჯაბა კანკავა, გიორგი ჩაკვეტაძე, გურამ კაშია).

ვლადიმირ ვაისი მათი თამაშით კმაყოფილია და მუდმივად ძირითად თერთმეტეულში მოიაზრებს. სლოვაკეთის ჩემპიონატის ბოლო ტურში მოგებული მატჩის შემდეგ, ვაისმა კანკავა შეაქო.

ვერ წარმომიდგენია გუნდი ჯაბა კანკავას გარეშე. საერთოდ რას გავაკეთებდით, ის რომ არ გვყავდეს?! ეს არაერთ მატჩში გამოჩნდა.

ის ჩვენი ნახევარდაცვის ცენტრში ბრილიანტია. მისნაირი გულის მქონე 11 მოთამაშე რომ გყავდეს, შეგიძლია მოკალათდე ოფისში და ტელევიზორს უყურო.

შეგახსენებთ, პოდრეზოვას დამარცხებაში თავისი წვლილი გურამ კაშიამაც შეიტანა, რომელმაც აღნიშნული გუნდის კარი დალაშქრა.

ვლადიმირ ვაისი: „კანკავა ჩვენი ბრილიანტია“

სლოვანის მწვრთნელი კანკავას „აღმერთებს“

უახლესი ამბები