სარაგბო გამოცემა RugbyPass-მა 20-წლამდე მორაგბეთა მსოფლიო ჩემპიონატის სიმბოლური ნაკრებში შეადგინა.

გამოცემის სიმბოლურ გუნდში მოხვდა ქართველი რვანომერი იოანე იაშაღაშვილი. RugbyPass იაშაღაშვილს საქართველოს ნაკრებში მამუკა გორგოძის შემცვლელად მოიაზრებს.

"ჯორდან ჯოზეფი, ბაუტისტა პედემონტე, ფენდულანი ბუტჰელეზი არამხოლოდ ნიჭიერი მორაგბეები არიან, არამედ უახლოეს რამდნეიმე წელში შესაძლოა, ისინი დიდი სახელების გვერდით ვიხილოთ.

მათ ყველას კარგი ჩემპიონატი ჰქონდათ, თუმცა მისი უნარების გამო რთულია, იაშაღაშვილი ყველასგან არ გამოარჩიო. ის ძალიან მოძრავია და შესაძლოა, მალე ეროვნულ ნაკრებშიც ვიხილოთ, სადაც შეიძლება უკანა ხაზში მამუკა გორგოძის მემკვიდრე გახდეს და ბორჯღალოსნები კიდევ უფრო წინ წაიყვანოს", - წერს ჟურნალისტი ალექს შოუ.

შეგახსენებთ, რომ საქართველოს 20-წლამდე მორაგბეთა ნაკრებმა 2019 წლის მსოფლიო ჩემპიონატზე მეათე ადგილი დაიკავეს. უმცროსმა ბორჯღალოსნებმა მსოფლიო ჩემპიონატზე ორი მატჩი მოიგეს და ზედიზედ მეხუთედ "ელიტაში" ასპარეზობის უფლება გაინაღდეს.

იაშაღაშვილი მსოფლიო ჩემპიონატის სიმბოლურ ნაკრებში მოხვდა

უახლესი ამბები