ქართველი გულშემატკივრებისთვის ცნობილი იყო, რომ დაუმარცხებელი ილია თოფურია ქვემსუბუქი წონის ჩემპიონ - ალექსანდრ ვოლკანოვსკის 2024 წლის თებერვალში დაუპირისპირდებოდა, თუმცა ზუსტი თარიღი მხოლოდ გუშინ გახდა ცნობილი და გაირკვა, რომ აღნიშნული ორთაბრძოლა 18 თებერვალს შედგება და მას კალიფორნიაში მდებარე Honda Center უმასპინძლებს.

"მატადორმა" სამომავლო გეგმებზე ისაუბრა:

რაც ვოლკანოვსკის ბოლო ბრძოლაში მოხდა, ჩემთვის არაფერს ცვლის. მე ვვარჯიშობ მსოფლიოში საუკეთესოებისთვის და დარწმუნებული ვარ, რომ ამ გამარჯვებას მოვიპოვებ.

მას დასაკარგი არაფერი აქვს, რადგან უკვე წააგო და იცის თუ რა გრძნობაა ეს. მე კი მსგავსი რამ არასოდეს განმიცდია და უმჯობესი იქნება თუ არც არასდროს შევიგრძნობ.

ვფიქრობ, თებერვალში ვოლკანოვსკის დავამარცხებ. ამის შემდეგ კი მინდა, რომ ჰოლოუეის აქ, ესპანეთში შევხვდე. ერთ დღეს კი მსურს, კანელოსაც შევებრძოლო. მას დიდ პატივს ვცემ და მჯერა, რომ მისი დამარცხება შემიძლია.

ვოლკანოვსკი, ჰოლოუეი და ალვარესი - რა გეგმები აქვს ილია თოფურიას?!

ილია თოფურიამ სამომავლო გეგმებზე ისაუბრა

უახლესი ამბები