4 სექტემბერს, სასტუმრო "სვისჰოტელში", კომპანია კროკობეთსა და რაგბის კავშირს შორის ურთიერთთანამშრომლობის მემორანდუმი გაფორმდა.

კროკობეთი დიდი 10-ის გენერალური სპონსორი გახდა. ახალი სეზონიდან სარაგბო ჩემპიონატი Crocobet დიდი 10-ის სახელს ატარებს.

პირველი ტურის შეხვედრები 6-8 სექტემბერს გაიმართა. გახსნითი მატჩი "ავჭალაზე" შედგა, სადაც მოქმედი ჩემპიონი, ქუთაისის აია არმიას დაუპირისპირდა და დაძაბულ ბრძოლაში ჩემპიონმა 11:8 იმარჯვა. მეორე დღეს ასპინძაში ტაოსა და ლელოს შეხვედრა შედგა. აქ გამარჯვება მასპინძლებს დარჩათ - 15:10.

ამავე დღეს ტურის რიგით მესამე თამაში ხვამლში ადგილობრივ გუნდსა და ბათუმს შორის ჩატარდა. ხვამლმა დამაჯერებლად, 21:3 გაიმარჯვა და ამ მომენტისთვის სატურნირო ცხრილს სათავეშიც უდგას.

8 სექტემბერს კი "ავჭალაზე" ყაზბეგი ყოჩების წინააღმდეგ გამოვიდა. საკმაოდ საინტერესო დაპირისპირება საბოლოოდ ყაზბეგმა 30:19 მოიგო. ტურის დასკვნითი მატჩი კი რუსთავში გაიმართა. ხარები არესის წინააღმდეგ. გუნდებმა ერთმანეთს დიდი ბრძოლა გაუმართეს. გამარჯვება არესს დარჩა - 31:24.

მეორე ტურის განრიგი კი ასე გამოიყურება

13.09 18:00 | არმია - ბათუმი

14.09 15:50 | აია - ტაო

14.09 18:10 | არესი - ხვამლი

15.09 16:00 | ყოჩები - ხარები

15.09 18:00 | ლელო - ყაზბეგი

Crocobet დიდი 10 - პირველი ტურის შედეგები

პირველი ტურის მატჩები დასრულდა

უახლესი ამბები