11-13 ოქტომბერს საქართველოს სარაგბო ჩემპიონატში მეხუთე ტურის მატჩები გაიმართა. Crocobet დიდი 10-ის ლიდერი კი კვლავ მოქმედი ჩემპიონი, ქუთაისი აია გახლავთ, რომელიც სატურნირო ცხრილს უდანაკარგოდ ლიდერობს.

ტური ბათუმში, ადგილობრივი ბათუმისა და ლელო თბილისის მატჩით დაიწყო, სადაც მასპინძლებმა მეტოქეს არაფერი დაუთმეს და მარტივად, 22-3 სძლიეს. კიდევ უფრო მარტივი გამარჯვება იზეიმა დის მეორე მატჩში ქუთაისი არესმა, რომელმაც საკუთარ კედლებში ბოლნისის ყოჩები არ დაინდო და 66-0 გაანადგურა.

მეორე სათამაშო დღეს მხოლოდ ერთი მატჩი გაიმართა. ყაზბეგმა თბილისის არმიას უმასპინძლა და დაძაბულ ბრძოლაში 14-8 გაიმარჯვა.

ტურის დასკვნითი დღე ტაოსა და რუსთავის ხარების მატჩით გაიხსნა, სადაც ეს უკანასკნელი სტუმრად 20-41 დამარცხდა. ბოლო მატჩში კი სატურნირო ცხრილის ლიდერმა, ქუთაისის აიამ სტუმრად თბილისის ხვამლთან 32-11 იმარჯვა და მიმდინარე სეზონში ზედიზედ მეხუთე მატჩი მოიგო.

კროკობეთ დიდი 10 - V ტურის შედეგები

აია კვლავ შეუჩერებელია

უახლესი ამბები