18-20 ოქტომბერს Crocobet დიდი 10-ის მეექვსე ტურის შეხვედრები გაიმართა. პირველ საშეჯიბრო დღეს გულშემატკივრებმა თბილისის ლელოსა და ქუთაისის არესის დაპირისპირება იხილეს, სადაც გამარჯვება დედაქალაქელებს დარჩათ. მათ მეტოქე დაძაბულ ბრძოლაში 33:30 დაამარცხეს.

მეორე დღეს ორი შეხვედრა ჩატარდა. თავდაპირველად საქმეში ტაო და ხვამლი ვიხილეთ. ეს უკანასკნელი 34:28 დამარცხდა. ტაომ მატჩის პირველი ნახევარი 31:18 მოიგო, მეორე კი 10:3 დათმო, რაც საბოლოოდ შეხვედრის მოსაგებად საკმარისი გამოდგა.

19 ოქტომბრის მეორე თამაში თბილისის არმიასა და ბოლნისის ყოჩებმა გამართეს. დედაქალაქელებმა პირველი ნახევარი 1-ქულიანი სხვაობით, 8:7 დათმეს, ხოლო მეორე ტაიმში 15:3 იმარჯვეს და საბოლოო ანგარიში 23:10 ტაბლოზე მათ სასარგებლოდ დაფიქსირდა.

დღეს, 20 ოქტომბერს კი მეექვსე ტურის დასკვნითი შეხვედრები ვიხილეთ. თავდაპირველად მოქმედი ჩემპიონი, ქუთაისის აია ბათუმს დაუხვდა. იმერულმა გუნდმა დაძაბულ ბრძოლაში 17:15 მოიგო. აღსანიშნავია, რომ აიამ მეორე ნახევარში ქულა ვერ მოიპოვა, მაშინ როდესაც აჭარლებმა 5 ქულა აიღეს, მაგრამ ეს მათთვის სასურველი შედეგის მისაღწევად საკმარისი არ აღმოჩნდა.

ბოლოს კი ყაზბეგი რუსთავის ხარების წინააღმდეგ გამოვიდა. ხარებმა ტაიმი 20:5 მოიგო და 15-ქულიანი უპირატესობა მოიპოვა. დასკვნით 40 წუში კი მცირე ჩამორჩენა ჰქონდა 7:5, თუმცა საბოლოოდ ხარებმა შეხვედრის მოგება 25:12 მოახერხეს.

განვლილი ექვსი ტურის შემდეგ, გათამაშებას 26 ქულით აია ლიდერობს. მას მეორე ადგილზე მყოფი არესი ექვსი ქულით ჩამორჩება. 18 ქულით სამეულშია ხარებიც. გასავარდნ ზონაში 11 ქულით ხვამლი, ხოლო 5 ქულით ყოჩები იმყოფება.

აქვე მოგახსენებთ, რომ მეშვიდე ტურის შეხვედრები 1-3 ნოემბერს გაიმართება.

ბათუმი VS ტაო - 01.11 16:00

არესი VS აია - 02.11 15:30

ხვამლი VS ყაზბეგი - 02.11 17:30

ყოჩები VS ლელო - 03.11 15:30

ხარები VS არმია - 03.11 17:30

Crocobet დიდი 10 - მეექვსე ტურის შედეგები

მოქმედი ჩემპიონი ლიდერობას კვლავ ინარჩუნებს

უახლესი ამბები