საქართველოს 18-წლამდე 7-კაცა ნაკრები, პოლონეთის ქალაქ გდანსკში მიმდინარე ევროპის ჩემპიონატის ჯგუფურ ეტაპზე ყველა მატჩის მოგებისა და ბრწყინვალე ასპარეზობის შემდეგ, მეოთხედფინალში გავიდა.

მეოთხედფინალში ჩვენს გუნდს შედარებით მარტივი მეტოქე, ბელგია შეხვდათ.

პლეი ოფის პირველი თამაშები დღეს, 18 აგვისტოს გაიმართა, შესაბამისად საქართველოს ნაკრებმა მეოთხედფინალური მატჩიც დღეს გამართა. ახალგაზრდა ქართველმა მორაგბეებმა ბელგიას ანგარიშით 21:5 სძლიეს და ნახევარფინალში გავიდნენ.

ნახევარფინალში საქართველოს ნაკრების მეტოქე ესპანეთი იქნება და მატჩი დღესვე, თბილისის დროით 16:21 საათზე დაიწყება.

სამწუხაროდ, ბელგიასთან წითელი ბარათი დავით ნინიაშვილმა მიიღო, შესაბამისად, მინიმუმ შემდეგ მატჩს, საქართველო 6 მორაგბით ითამაშებს.

საქართველოს ნაკრები ევროპის ჩემპიონატის ნახევარფინალშია

ასევე იხილეთ

უახლესი ამბები