წლების წინ რუსთაველის კინოსთან, სადაც ადრე ტოტალიზატორი „კროკო“ იყო, ძველი ნაცნობი მაზავშიკი შემხვდა. ბევრი ვილაპარაკეთ, მაგრამ განსაკუთრებულად ერთი ისტორია დამამახსოვრდა, ამბავი გენაზე, სახელოვან მოთამაშეზე, რომელმაც, როგორც ამბობენ, კომუნისტების დროს გადაცემა „ვრემიაში“ ფეხბურთის ანგარიში შეცდომით გამოაცხადებინა და ისე მოიგო დიდი ფული.

მოკლედ, გენას ამბავი ასეთია:

ჰოდა, გაქანებული ბრეჟნევის დროა რა, ძმობას ვფიცავარ. ზაფხულია. საფეხბურთო სეზონიიწყება. გენკამ მთელი დღე იმუშავა, არიფებს თავგზა აუბნია და წყნეთში მიდის ჰაერისჩასაყლაპად. კმაყოფილია. ბაგებში ნაცნობ თათარს გაუჩერა. ცოტა ხანი ილაპარაკეს და უცბად ისრას ეუბნება, იკაიფე:

- შენა, გენკა, კიდე დებ მაზებს ფუტბოლზე?

- ხანდახან, დაგენაცვლე. რა არი რო?

- ესეთი პრედლაჟენია მაქვს: თუ ოდესის ჩერნამორეცი უმაღლეს ლიგაში გადავა, ხუთიათასი გადამიხადე, თუ არა და, ათს მოგცემ - ცოტა გაწითლდა.

გენკა თავიდან გააოგნა ასეთმა დამამცირებელმა წინადადებამ, იმიტომ რომ ყველამ იცოდა, ოდესელების უმაღლესში დაბრუნება გადაწყვეტილი იყო. სახეზეც შეეტყო და თათარი კიდევუფრო წამოწითლდა, ცოტა დაიზმენდა კიდევაც, არ შემომარტყასო.

- მოსულა - უთხრა და გაქრა. ის აჰმედა მთელი ღამე კმაყოფილი ფიქრობდა მომხდარზე. გენადიც ხოშიანად იყო, 30 წამში გათვალა ერთი წლის კომბინაცია - ზამთრამდე პაუზა დაუჭირა,ერთხელაც მანქანაში ჩახტა და აჰმედთან წავიდა, რომ ვითომ შემთხვევით შეხვედროდა დაკომბინაციის გადამწყვეტი ფაზა დაეწყო. ბარდაჩოკში ქაღალდის პაკეტი ედო, პაკეტში - 2500 მანეთი. შეხვედრა ფრანციასთან შედგა და ტრადიციულად, გენკას სასარგებლოდ დამთავრდა.

- აქ რას აკეთებ, დაგენაცვლე?

- ვზივარ რა. როგორ გიკითხო?

- დავრბივარ, თავნებს ვაგროვებ. ისე, მაშინ მაგრა გამომიჭირე, აი, კარგ ხასიათზე ვიყავი. მოდი, იცი რას ვიზამ, ბარემ მიდევს რაღაც ფული და დაგიტოვებ ნახევარს მაინც - პაკეტს ხელიდაავლო და მანქანიდან გადასვლა დაიწყო.

- მაიცა, ჯიგარო, სპეშკა რა საჭიროა. ჯერ ერთი, სეზონი არ დამთავრებულა, მერე კიდე, გინდა შენთან ყოფილა ჩემი ფული და გინდა - შვეიცარიის სბერბანკში.

- მართალი ხარ, ხო იცი. მაშინ წავედი, კარგად მეყოლე. მანქანაში ჩახტა და სანამ ისდასამშვიდობებლად აწეულ ხელს დაუშვებდა, უკან გადმოხტა.

- ერთი ხოშიანი წინადადება მაქვს შენთვის. ვიცი, გაგიხარდება, მაგრამ შენი გახარება სულფეხზე მკიდია, არიფი მყავს დაჭერილი და იმის გასაწეწად მჭირდება ეს ვარიანტი: სტავკებიგავზარდოთ - თუ მოიგე, და იასნია, მოიგებ, 25 ათასს გადაგიხდი, თუ არადა 50 უნდა მივიღო. ელემენტარული კომბინაციაა, ორივენი ვიხეირებთ.

- კი მარა, ეგ როგორ?

- ვერ მიხვდი? გრძელი ამბავია, ეხლა მეჩქარება, ხვალ გამოვივლი და გემრიელადმოგიყვები, ბევრს გაცინებ.

აჰმედმა გენკას გამოშვერილ ხელს თავისი ხელი დაარტყა. გენადი წამში აორთქლდა. იმასკიდევ როგორი სახე ჰქონდა იცი? ბიოლოგიის წიგნში როა, ადამიანის ევოლუციისილუსტრაციაზე მაიმუნის შემდგომი როჟა. რაღაც არ მოეწონა.

მეორე დღეს გენკა ფრანციასთან აღარ მისულა, ოდესაში გაფრინდა. ჯერ დერებასოვსკაიაზეინახულა ძმაბიჭები, მსოფლიო კალიბრის აფერისტები და საღამოს მივიდა იქ, სადაცელოდებოდნენ: სამი ოდესელი ქურდი და ოდესის ჩერნომორეცის მწვრთნელი. ტრენერმა არიცოდა, რისთვის მოხვდა ამ საზოგადოებაში, ამ საზოგადოებამ იცოდა - მას რამდენიმე წუთში “კი” უნდა ეთქვა და ხუთი ათას მანეთს მიიღებდნენ. გენკამ ეგრევე ატაკა:

- შენი გუნდი პირველ ლიგაში უნდა დარჩეს!

- რას ლაპარაკობ, გენჩიკ, მეორე ადგილს 12 ქულას ვუგებთ და მესამეს - თხუთმეტს. თანორი გუნდი გადადის. არა, შანსი არაა.

- შანსი ყველაფრისაა.

- არა, გამორიცხული ამბავია, მომკლავენ.

ლაპარაკში ერთ-ერთი ქურდი ჩაერია და შეკრებას წერტილი დაუსვა: ვიცი, რომ უმაღლესლიგაში მოხვედრაში ვოლგას გაძლევენ. რა ღირს ეგ მანქანა? ჰა-ჰა 10 ათასი მანეთი. ჩვენი გენაეხლავე გაძლევს 20 ათასს და ისიც იცოდე, რომ შენი თანხმობით ჩვენი მეგობარი ხდები. მეტი რაგინდა, ბიჭო?

“ბიჭომ”, დანარჩენების გამოხედვამ და მშვენიერმა პერსპექტივამ ყველაფერი მოაგვარა. გენკა მიხვდა, საქმე დამთავრებული იყო და ტრენერს პარკით ოცი ათასი მანეთი შეაჩეჩა.

გაზაფხულზე გაზეთები იმის გარკვევას ცდილობდნენ, როგორ ვერ გადავიდაჩერნომორეცი უმაღლეს ლიგაში. მწვრთნელმა ყველაფერი ხუთიანზე გააკეთა, გამოვიდა თუ არაიმ ოთახიდან, გუნდი ორკვირიან შეკრებაზე წაიყვანა და იმდენი ავარჯიშა, ფეხბურთელებსკუნთები დაუწყდათ. მესამეზე გავიდნენ.

გენკა კიდე იმას სახლში დაადგა, ორმოცდაათი ათასი მანეთი მწუხარე სახით გამოართვა დათან უყვებოდა, რომ თვითონაც დიდი ფული წააგო:

- მარა შენ ამაზე არ ინერვიულო, ახალი სეზონი რო დაიწყება, მოვალ და რამე მოვიფიქროთ.

მასპინძელი ისევ იმ არსებას დაემსგავსა, ბიოლოგიის წიგნიდან, ოღონდ ჩიბურაშკასავითიღიმებოდა.

გენას ჩიბურაშკა

ასევე იხილეთ

უახლესი ამბები