მსოფლიოს ჩემპიონატი კრიშტიანუ რონალდუს დაემშვიდობა და ატირებული გაუშვა მოედნიდან. ის არასდროს ყოფილა ჩემი საყვარელი ფეხბურთელი, არც იმ გუნდებისთვის მიქომაგია, სადაც თამაშობდა, მაგრამ ეს გამოსათხოვარი სცენა ამ კაცს არ ეკადრებოდა, ამხელა ფიგურები საყვარელ საქმეს ასე არ უნდა ემშვიდობებოდნენ - სად ეს წასვლა და სად, თუნდაც, მესისთან, თუნდაც ფინალში, თუნდაც წაგებული...

The scene of Cristiano Ronaldo walking off the field and breaking down to tears after he’s inside is heartbreaking.

pic.twitter.com/2HVFjvCaJ9
— ‏ً (@erlingtxt) December 11, 2022

მაგრამ კატარში ყველაფერი აირია.

ვისი ბრალია მერვედფინალში გაბრწყინებული პორტუგალიის მეოთხედფინალში ასეთი არაფრისმთქმელი წაგება? რონალდოისტები ამას მწვრთნელს, ფერნანდუ სანტუშს აბრალებენ, მესისტები თავად რონალდუს და პორტუგალიელები ყველას ერთად. მაგრამ არცერთი ეს ვერსია არაა იმდენად მართალი, რამდენადაც ის, რომ ეს წაგება მაროკოს ნაკრების ბრალი იყო.

მივყვეთ თანმიმდევრობით: ვერსია 1 - მწვრთნელის ბრალია იმიტომ, რომ კაპიტანი თავიდანვე არ ათამაშა: ფერნანდუ სანტუშმა ფლეი ოფი რონალდუს სკამზე დასმით დაიწყო და ამ ძალიან რისკიანმა ნაბიჯმა შვეიცარია წელში გადატეხა. ბუნებრივია, მწვრთნელმა მაროკოსთანაც ასე დაიწყო. ეს სწორი სვლა იყო. შეცდომა კი ის დაუშვა, რომ დაცვაში იდეალურად მოთამაშე მაროკოს ზუსტად ისე დაუწყო თამაში, როგორც დაქანცულ შვეიცარიას. და ასე გააგრძელა ბოლომდე. რატომ არ ათამაშა რონალდუ თავიდანვე? იმიტომ, რომ ფიზკურად არაა ფორმაში და ეს იმ ერთ ტაიმშიც გამოჩნდა, რომელიც ამ მართლაც ლეგენდარულმა სპორტსმენმა მინდორზე გაატარა.

🎙 Luis Figo: "You can't win a World Cup with Cristiano Ronaldo on the bench. Win against Switzerland? Excellent! But can you do that in every game? No.

Leaving CR7 on the bench was a mistake, this defeat is the responsibility of the management and the manager."#FIFAWorldCup pic.twitter.com/y0BRYlV3dl
— Football Tweet ⚽ (@Football__Tweet) December 10, 2022

ვერსია 2 - რონალდუს ბრალია. „ბრალი“ აქ ცოტა უადგილო სიტყვაა, მაგრამ კრიშტიანუს არმოყვარულები ამბობენ, რომ როცა ამხელა ფეხბურთელი ხარ, ერთ ტაიმში მაროკოს უნდა შეუგდო ან სხვას შეაგდებინო.

ვერსია 3 - პორტუგალიური, ხალხური - ყველას, მთელი გუნდის ბრალია. ეს ყველაზე სამართლიანი ვარიანტია, რადგან როცა გუნდი აგებს, იქ ყველა შეიძლება დამნაშავედ გამოიყვანო, მიუხედავად იმისა, კონკრეტულად ვინ რამდენი გააფუჭა. პორტუგალიის ნაკრები, სავარაუდოდ, განწყობამ დაღუპა - სანტუშსაც და ფეხბურთელებსაც სადღაც მაინც ეგონათ მატჩამდე, რომ მაროკოსთან წაგება შვეიცარიული სპექტაკლის შემდეგ, უბრალოდ, წარმოუდგენელია.

ხოლო მაროკო, რომელიც ესპანეთთან ისტორიული, დამქანცველი და შეუხედავი მოგების შემდეგ თითქმის ყველამ ჩამოწერა გადაღლილობის მიზეზით, საომრად იყო მზად. ოღონდ პორტუგალიასთან ის გუნდი არ გვინახავს, რაც ესპანეთთან - მეოთხედფინალში აფრიკელებმა მაგარი ფეხბურთი ითამაშეს და ისე გაცდნენ ულაპარაკო ფავორიტს.

მაროკო დაცვაში ბარეზის მილანივით იდგა, ბურთი მადრიდის რეალივით ამოქონდა, ფლანგებზე 94-ის ბრაზილიას წააგავდა, შეტევაში 88-ის ჰოლანდიას, ხასიათით კი ჯერარდის ლივერპულს. და ფაქტებს დააკვირდით - მაროკო პირველი აფრიკული გუნდია, რომელიც ამ ტურნირის ნახევარფინალში გავიდა და თან გავიდა ისე, რომ სხვა გუნდის ფეხბურთელისგან გოლი არ გაუშვია.

Sono tutte belle e gonfie d'amore le mamme del mondo ❤️ 🇲🇦#Marocco pic.twitter.com/pL76nD7umk
— Fabio 🏳️‍🌈 (@Iperbole_) December 10, 2022

პეპეს ბოლო წამებზე შეეძლო კაცნაკლულ მაროკოსთან გათანაბრება და იმ ფინალის რეალობად ქცევა, სადაც ერთმანეთის წინ ლეო მესი და კრიშტიანუ რონალდუ დადგებოდნენ, მაგრამ რამდენიმე მეტრიდან ისეთი ააცილა, რომ მაროკოელების მცველმა თავზე აკოცა. ეს კადრი ამ ჩემპიონატის ერთ-ერთი სიმბოლო გახდება.

NON IL CALCIATORE DEL MAROCCO CHE BACIA LA TESTA DI PEPE DOPO AVER SBAGLIATO UN'OCCASIONE DA GOL pic.twitter.com/JIkzvf6jFS
— paperina vettelina ai mondiali 🇲🇦 (@maliduck) December 10, 2022

მეორე მეოთხედფინალში კი ნამდვილი როლს-როისივით თამაში ვნახეთ. ძლივს. ეს იყო მატჩი, სადაც ორივე მხარე თავის ფეხბურთს უბერავს და ასე ცდილობს მოგიგოს. და არა იმით, რომ შენს საკეთებელში შეგიშალოს ხელი. ეს იყო კლასის, ხარისხის ზეიმი.

When Harry Kane missed the penalty #mbappe pic.twitter.com/P7nN8iSV4i
— Julien 🐠 (@julienpescatore) December 10, 2022

თუმცა საფრანგეთს ძალიან ღრმა დეტალებიდან რომელიღაცაში მაინც ჰქონდა უმცირესი უპირატესობა, რომლის ხარჯზეც ნახევარფინალში გავიდა და ამ დეტალს, ალბათ, ოდნავ მეტი გამოცდილება და დიდი გამარჯვებების გემოს ცოდნა ჰქვია - სხვა თუ არაფერი, გუნდი მოქმედი მსოფლიოს ჩემპიონია. რაც შეეხება ინგლისელებს, მათ ეს ყველაფერი ჯერ კიდევ სასწავლი და გასავლელი აქვთ. და რაც მთავარია, მათ არ აკლიათ ამის პოტენციალი - ტრენტი 24 წლისაა, რაისი - 23, ფოდენი - 22, საკა - 21 და ბელინგემი - 19. ეს კი იმას ნიშნავს, რომ ევროპის და მსოფლიოს მომდევნო ჩემპიონატებს ინგლისის ნაკრების ლიდერთა ბანდა ფეხბურთელისთვის იდეალურ ასაკში შეხვდება. და იქნებ მაშინ ვნახოთ, როგორ ბრუნდება ფუტბოლი შინ.

Jordan Pickford is a legend harry kane needed space and he dose this pic.twitter.com/zcIhxsncqN
— lemar308 (@lemar308) December 11, 2022

წინ ნახევარფინალებია: 13 დეკემბერს 11 საათზე არგენტინა - ხორვატია და 14 დეკემბერს იმავე დროს საფრანგეთი - მაროკო. ვინ ელოდა ამას? არავინ. ამიტომ ნურც ის ფინალი გაგიკვირდებათ, რომელსაც არ ელოდებით. თუმცა მაინც არგენტინა - საფრანგეთი მოჩანს. და მესის მეორე ცდა, გახდეს ყველაზე დიდი. ან მბაპეს მორიგი ნაბიჯი, გახდეს პელე.

ხვალამდე

დღე ოცდამეერთე - შეუფერებელი ბოლო ზარი

უახლესი ამბები