ორშაბათს, 14 თებერვალს, ყატარის დედაქალაქში სტარტი ATP-ის 250-იანი კატეგორიის ტურნირმა აიღო, რომელიც ერთი კვირის განმავლობაში გაგრძელდება და მისი საპრიზო ფონდი 1 176 595 აშშ დოლარს შეადგენს.

ქართველი ჩოგბურთელი, რომელიც ტურნირზე მესამე ნომრად არის განთესილი, გათამაშებას მეორე წრიდან ჩაერთო და პირველ შეხვედრაში მან შვედი ელიას იმერი ორ სეტში, 6-4, 7-5 დაამარცხა.

მეოთხედფინალში კი ნიკოლოზი უნგრელ მარტონ ფუჩოვიჩს დაუპირისპირდა. ბასილაშვილისთვის პირველი სეტი კატასტროფული გამოდგა, სადაც მან უამრავი შეცდომის ფონზე მხოლოდ ერთი გეიმის მოგება შეძლო.

მატჩში მდგომარეობის გამოსწორება ქართველმა ჩოგბურთელმა მეორე სეტში შეძლო. საბოლოოდ კი ქართველმა ჩოგბურთელმა უნგრელი მეტოქე 1-6, 6-3, 7-5 დაამარცხა და დოჰას ტურნირის ნახევარფინალში გავიდა.

ნახევარფინალში ნიკოლოზ ბასილაშვილის მეტოქე ATP რეიტინგის 61-ე ნომერი, ფრანგი ჩოგბურთელი, არტურ რინდერკნეში გახლდათ, რომელმაც მეოთხედფინალში დენის შაპოვალოვი ორ სეტში დაამარცხა და ტურნირის პირველი ნომერი გათამაშებას გამოთიშა.

დოჰას ტურნირის მოქმედი ჩემპიონი აღნიშნულ დაპირისპირებაში ფავორიტად იყო მიჩნეული. საქართველოს ნომერ პირველმა ჩოგანმა მოლოდინები გაამართლა და რინდერკნეში დაჯაბნა.

ნიკამ პირველი სეტი 6:4 მოიგო, ხოლო მეორე სეტში მეტოქე 6:2 დაამარცხა და დოჰას ტურნირის ფინალში გავიდა.

გეტყვით, რომ ნიკოლოზი ფინალში ხაჩანოვსა და ბაუტისტა-აგუტის წყვილში გამარჯვებულს შეხვდება.

ნიკოლოზ ბასილაშვილი ფინალშია!

ბასილაშვილი არტურ რინდერკნეს შეხვდა

უახლესი ამბები