განის ეროვნული საფეხბურთო ნაკრები - ცნობილია როგორც შავი ვარსკვლავები. 1950 წლიდან წარმოდგენილია როგორც განის ეროვნული ნაკრები. — აფრიკის კონფედერაციისა და ფიფა-ს წევრი საფეხბურთო ნაკრები.

ნაკრები იმყოფება განის ფეხბურთის ფედერაციის, განის ფეხბურთის მართველი ორგანოს და ერთ-ერთი ყველაზე ძველი აფრიკული გაერთიანების კონტროლის ქვეშ. განის ეროვნილი ნაკრები მსოფლიო ჩემპიონატზე გასვლას ძალიან დიდ ხანს ვერ ახერხებდა. აღნიშნულმა ნაკრებმა 1992 წელს, ოლიმპიადაზე ისტორიაში ყველაზე დიდ წარმატებას მიაღწია - ბრინჯაოს მედალი.

აღნიშნულმა ნაკრებმა მუნდიალზე მონაწილეობა პირველად 2006 წელს მოახერხა, თუმცა უნდა ითქვას, რომ განის ეროვნული გუნდი აფრიკაში ყოველთვის გამორჩეული იყო, რაც მის ტიტულებზეც აისახა. 4-ჯერ მოგებული აფრიკის თავი, ხოლო 5-ჯერ მეორე ადგილზე გასული განის ნაკრები ყატარში არაფრის დათმობას გეგმავს. 2014 წელს განის ნაკრებმა მსოფლიო ჩემპიონატზე მესამედ იასპარეზეს, თუმცა შემდეგ, მცირე ჩავარდნა ჰქონდათ და ყველაზე წონად ტურნირზე 2022 წელს დაბრუნდნენ. განის ნაკრებისთვის 2000 წელს ბევრი რამ დადებითისკენ შეიცვალა.

ახალი თაობა, რომელსაც განაში ვარსკვლავურ ნაკრებად იხსენებენ, წარმატებებს აღწევდნენ. 2001 წელს მსოფლიოს ახალგაზრდულ ჩემპიონატზე ფინალში გავიდნენ და წლების შემდეგ, იმ ბირთვმა მსოფლიო ჩემპიონატზე ითამაშა (2006 წელი). ნაკრების წარმატება, რა თქმა უნდა, რეიტინგშიც აისახა და 2008 წელს, განა მე-14 ადგილზე იმყოფებოდა.

მიუხედავად იმისა, რომ განის ნაკრები ყოველთვის კარგ ნაკრებად ითვლებოდა, 2014 წელს კრიზისი დაეწყო. მსოფლიო ჩემპიონატზე g ჯგუფში მოხვდა - გერმანია, პორტუგალია და აშშ დაუძლეველი ბარიერები აღმოჩნდა და ჯგუფში ჩარჩა. საგულისხმოა, რომ განაში ფეხბურთი ძალიან უყვართ, რასაც სტადიონზე დასწრების მაჩვენებელიც ამტკიცებს.

2010 წელს, მსოფლიო ჩემპიონატის მეოთხედფინალში ურუგვაისთან გამართულ შეხვედრას საერთო 84 ათასი ქომაგი დაესწრო. 1957 წლიდან მოყოლებული განას ჯამში 32 მწვრთნელი ჰყავდა.

განის ნაკრებს ყატარში გასამართ მუნდიალზე საკმაოდ ძლიერი ნაკრებები შეხვდა. H ჯგუფში ურუგვაი, პორტუგალია და სამხრეთ კორეა მოხვდნენ. პირველი შეხვედრა კი, პორტუგალიის წინააღმდეგ უწევს, რომელიც 24 ნოემბერს გაიმართება.

გეტყვით, რომ განას ოდო ატო თავკაცობს, რომელიც წლების განმავლობაში გლადბახის, დორტმუნდის ჰამბურგისა და სხვა არაერთი კლუბის სამწვრთნელო შტაბში მუშაობდა.

გაიცანი მსოფლიო ჩემპიონატის მონაწილე - განა

პირველი მედალი ოლიმპიადაზე

დომინირება აფრიკაში

უახლესი ამბები