უდინეზეს პორტუგალიელი შემტევის, ბეტოს საკითხი, მიუხედავად ჩაშლილი ტრანსფერისა, კვლა აქტუალურია. იტალიურმა კლუბმა ზამთარში ბეტო ევერტონში არ გაუშვა. ფრიუელებმა პორტუგალიელი შემტევი 25 მილიონი ევროს სანაცვლოდ არ გაყიდეს.

უცხოურ პრესაში აქტიურად იწერება, რომ შონ დაიჩი ზაფხულში 25 წლის ფეხბურთელის მერსისაიდულ კლუბში წაყვანას ისევ შეეცდება და ამჯერად, უდინეზეს მისი შენარჩუნება გაუჭირდება.

როგორც ადგილობრივი გამოცემა, Moundoudinese.it წერს, უდინეზე უკვე შეეგუა იმ აზრს, რომ ზაფხულში ბეტოს დაკარგავს და მისი შემცვლელის ძებნას უკვე შეუდგა. ამ დროისთვის კლუბი სამ ფეხბურთელს აკვირდება, რომელთა შორისაც მთავარი სამიზნე, მეცის ქართველი თავდამსხმელი, გიორგი მიქაუტაძეა.

აღნიშნული წყაროს ცნობით, მეორე და მესამე ალტერნატივად უდინეზეს სპეციასა და არგენტინული ტიგრეს შემტევები, მბალა ნზოლა და მატეო რეტეგი ჰყავს.

რაც შეეხება მიქაუტაძეს, მას შემდეგ, რაც ქართველი სერენიდან მეცში დაბრუნდა, მიმდინარე სეზონში ფრანგული კლუბის მაისურით, ლიგა 2-სა და საფრანგეთის თასზე 26 მატჩი ჩაატარა და 12 გოლი და 6 საგოლე გადაცემა მიითვალა.

მიქაუტაძე სერია ა-ში? - ქართველ შემტევს პორტუგალიელის შემცვლელად მოიაზრებენ

მიქაუტაძე, შესაძლოა, იტალიურ კლუბში გადავიდეს

უახლესი ამბები