მას შემდეგ, რაც ქართული რაგბი დამოუკიდებელი გახდა, ბორჯღალოსნებმა დღეს ფინალი პირველად ითამაშეს! ეს კი ესპანეთის ქალაქ ბადახოსში მოხდა. 2023 წლის რაგბი ევროპის ჩემპიონატის გადამწყვეტ მატჩში, საქართველოს ეროვნული ნაკრები პორტუგალიას დაუპირისპირდა.

შეგახსენებთ, რომ რაგბი ევროპამ ჩემპიონატის ფორმატი, რომელიც აქამდე ჩვენს გუნდს 14-ჯერ ჰქონდა მოგებული, წელს შეცვალა და ისე მოხდა, რომ დღეს ბორჯღალოსნებს ფინალშივე შეეძლოთ ტურნირზე მე-100 გამარჯვების მოპოვება. ამასთან, საქართველო წარმატების შემთხვევაში დაუმარცხებელი მატჩის სერიას 29-მდე გაზრდიდა და თავისივე რეკორდს მოხსნიდა, რომელიც 2012-2017 წლებში დაამყარა (28 მატჩი - 27 მოგება და ერთი ფრე).

მთავარი მწვრთნელის გადაწყვეტილებით, საქართველოს ნაკრები დღევანდელი მატჩისთვის შემდეგი შემადგენლბით დაირაზმა:

ხაზი: 15. დავით ნინიაშვილი (ლიონი, 20 კეპი, 43 ქულა), 14. აკა ტაბუცაძე (შავი ლომი, 27 კეპი, 125ქულა), 13. დემე თაფლაძე (შავი ლომი, 24 კეპი, 5 ქულა), 12. მერაბ შარიქაძე (შავი ლომი, 92 კეპი, 80ქულა, კაპ.), 11. სანდრო თოდუა (შავი ლომი, 106 კეპი, 90 ქულა), 10. თედო აბჟანდაძე (მონტობანი, 41კეპი, 329 ქულა), 9. ვასილ ლობჟანიძე (ბრივი, 74 კეპი, 73 ქულა);

შერკინება: 1. ნიკა აბულაძე (შავი ლომი, 9 კეპი), 2. შალვა მამუკაშვილი (შავი ლომი, 96 კეპი, 55 ქულა), 3. ბექა გიგაშვილი (ტულონი, 33 კეპი, 15 ქულა), 4. ნოდარ ჭეიშვილი (შავი ლომი, 45 კეპი, 5 ქულა), 5. კოტე მიქაუტაძე (ბეიონი, 81 კეპი, 15 ქულა), 6. გიორგი ცუცქირიძე (სტად ფრანსე, 28 კეპი, 30 ქულა), 7. ბექა საღინაძე (ლიონი, 35 კეპი, 15 ქულა), 8. ბექა გორგაძე (პო, 39 კეპი, 55 ქულა);

მარქაფა: 16. გიორგი ჭყოიძე (შავი ლომი, 29 კეპი, 30 ქულა), 17. გურამ გოგიჩაშვილი (რასინგ 92, 36კეპი, 10 ქულა), 18. გურამ პაპიძე (პო, 8 კეპი, 5 ქულა), 19. ლადო ჩაჩანიძე (ნევერი, 9 კეპი, 5 ქულა), 20. თორნიკე ჯალაღონია (ბიარიცი, 21 კეპი, 25 ქულა); 21. გელა აფრასიძე (მონპელიე, 44 კეპი, 27 ქულა), 22. ლუკა მატკავა (შავი ლომი, 6 კეპი, 36 ქულა), 23. თორნიკე კახოიძე (შავი ლომი, 2 კეპი).

დღევანდელ ფინალში ანგარიში მეექვსე წუთზე პორტუგალიელებმა გახსნეს. ლელოს ავტორი მათი კაპიტანი გახდა, თუმცა გარდასახვა ვერ გამოიყენეს. მე-14 წუთზე კი წონასწორობა აკაკი ტაბუცაძის ლელოთი გათანაბრდა. აბჟანდაძემ კი გარდასახვა გამოიყენა და საქართველო წინ გავიდა. 25-ე წუთზე ტაბუცაძე დუბლის ავტორი გახდა! აბჟანდაძის გარდასახვა კი ამჯერად არაზუსტი გამოდგა. დაახლოებით ოთხ წუთში, პორტუგალიამ ჯარიმა გაიტანა და ანგარიში შეამცირა - 12:8.

32-ე წუთზე, ჩვენმა მეტოქემ მორიგი ჯარიმა მოიპოვა და მისი გამოყენებაც მოახერხა. შედეგად სხვაობა ერთ ქულამდე შემცირდა. პირველი ტაიმი ბორჯღალოსნებმა 12:11 მოიგეს.

მეორე ნახევარი საქართველომ კარგად დაიწყო. შალვა მამუკაშვილმა ლელო 43-ე წუთზე გაიტანა. აბჟანდაძემ კი გარდასახვა ვერ გაიტანა.მორიგი ლელო ბორჯღალოსანთა რიგებიდან გურამ პაპიძემ გაიტანა. ამჯერად კი გარდასახვაც ზუსტი იყო. 70-ე წუთზე დემურ თაფლაძემ ლელოს დადება შეძლო, ხოლო მატკავამ გარდასახვა გამოიყენა. რამდენიმე წუთში საქართველომ მეექვსე ლელოც დადო. მისი ავტორი გიორგი ჭყოიძე იყო და მატკავას გარდასახვა ისევ ზუსტი გახლდათ.

საბოლოოდ ბორჯღალოსნებმა დამაჯერებლად - 38:11 იმარჯვეს. საქართველო ფინალის გამარჯვებული და რაგბი ევროპის 2023 წლის გათამაშების ჩემპიონი გახდა! ჩვენმა ნაკრებმა დღეს ამ ტურნირზე მე-100 გამარჯვება იზეიმა.

საქართველო რაგბი ევროპის ჩემპიონია!

ფინალური შეხვედრა საინტერესო გამოდგა

საქართველო პორტუგალიას დაუპირისპირდა

უახლესი ამბები