საქართველოს ეროვნულმა ნაკრებმა წლის პირველი მატჩი დღეს ბათუმში, მონღოლეთის წინააღმდეგ ჩაატარა. აღნიშნული დაპირისპირება ამხანაგური ხასიათის გახლდათ.

მთავარი მწვრთნელის გადაწყვეტილებით, "ჯვაროსნებმა" თამაში შემდეგი შემადგენლობით დაიწყეს:

ლორია, კობახიძე, დვალი, საზონოვი, გოჩოლეიშვილი, აბურჯანია, გაგნიძე, წიტაიშვილი, ლობჟანიძე, ვოლკოვი, ჩაკვეტაძე.

როგორც მოსალოდნელი იყო, შეხვედრა პირველივე წუთებიდან მასპინძელთა აშკარა უპირატესობით დაიწყო. ანგარიში მე-15 წუთზე ვოლკოვმა გახსნა. 30-ე წუთზე კი ლორიას დაშვებული შეცდომის შემდეგ, მონღოლთა განვითარებულ შეტევას გოლი მოჰყვა და ანგარიში გათანაბრდა.

39-ე წუთზე საქართველოს სასარგებლოდ პენალტი დაინიშნა, თუმცა ჩაკვეტაძის დარტყმული სტუმართა მეკარემ მოიგერია. შედეგად, მატჩის პირველი ნახევარი ფრედ - 1:1 დასრულდა.

მეორე ტაიმი კვლავ სანიოლის შეგირდების სათამაშო უპირატესობით გაგრძელდა. 56-ე წუთზე გიორგი ჩაკვეტაძემ საქართველოს ნაკრები დააწიანურა. დაახლოებით ერთ წუთში კი ჩაკვეტაძე უკვე დუბლის ავტორი გახდა. 70-ე წუთზე კი ანგარიში გამანადგურებელი ლობჟანიძემ გახადა. ძირითადი დროის ამოწურვამდე ორი წუთით ადრე, თავისი გოლი ბერიძემაც გაიტანა, ხოლო შეხვედრას წერტილი ზივზივაძემ დაუსვა, რაც იმას ნიშნავს, რომ საქართველომ დღეს დამაჯერებლად - 6:1 იმარჯვა.

აქვე შეგახსენებთ, რომ საქართველოს ეროვნული ნაკრები წლის პირველ ოფიციალურ შეხვედრას (ევროპის ჩემპტიონატის საკვალიფიკაციო ეტაპი) 28 მარტს კვლავ ბათუმში, ნორვეგიის წინააღმდეგ ჩაატარებს. მატჩი 20:00 საათზე დაიწყება.

ფოტო: ეროვნული ნაკრები

საქართველომ მონღოლეთი გაანადგურა!

საქართველოს ნაკრებმა წლის პირველი მატჩი გამართა

უახლესი ამბები