თბილისში მიმდინარე გრანდ სლემის მესამე საშეჯიბრო დღეს, ასპარეზობაში 13 ქართველი ძიუდოისტი ჩაერთო. მათგან კი მედლის მოგების შანსი ოთხმა დაიმსახურა. -90კგ წონით კატეგორიაში დღეს ქართული ფინალი შედგა. ლაშა ბექაური ლუკა მაისურაძის წინააღმდეგ.

როგორც უკვე მოგახსენეთ, მოქმედი ოლიმპიური ჩემპიონი ტურნირზე გამოსვლას მეორე ეტაპიდან შეუდგა და პირველ შეხვედრაში ლუი კრიბერ განიონს გაუსწორდა. მეოთხედფინალში კი იაპონელ გოკი ტაჯიმას იპონით სძლია და ნახევარფინალში გავიდა, სადაც ბერძენ თეოდორს ცელიდისს ვაზარით სძლია, ხოლო მაისურაძე ბექაურის მსგავსად ტურნირს მეორე რაუნდიდან ჩაერთო და პირველ დაპირისპირებაში არაბთა გაერთიანებული საამიროების წარმომადგენელს, არამ გრიგორიანს დამატებით დროში იპონით სძლია.

მესამე ეტაპზე კი ის ლი კოჩმანს შეხვდა და ვაზარით იმარჯვა, ხოლო ნახევარფინალში ქართველმა ფალავანმა თურქი მიხაელ ჟგანკი დაძაბულ ბრძოლაში დამატებით დროის მე-6 წუთზე იპონით დაამარცხა და ფინალში ლაშა ბექაურთან შეხვედრა მოუწია. ფინალში ძალიან დაძაბული და სანახაობრივი დაპირისპირების გამარჯვებული ბექაური გახდა!

თბილისის გრანდ სლემი | ქართული ფინალი ბექაურმა მოიგო

უახლესი ამბები