2024 წლის ზაფხული სპორტული კუთხით საკმაოდ დატვირთულია. 14 ივნის სტარტს ევროპის ჩემპიონატი აიღებს, რომელიც ერთ თვეს გასტანს. კონტინენტის ტურნირის მასპინძელი გერმანიაა.

აღნიშნული ჩემპიონ ქართველი გულშემატკივრისთვის განსაკუთრებით მნიშვნელოვანია, რადგან ისტორიაში პირველად, საქართველოს ნაკრები ევროპის ჩემპიონატზე იასპარეზებს. საქართველოს დებიუტი 18 ივნისს, „სიგნალ იდუნა პარკზე“ გაიმართება, სადაც თურქეთის ნაკრებს დაუპირისპირდება.

რაც შეეხება ევროპის ჩემპიონატის მასპინძლობას, კონტინენტის ტურნირის მატჩები 10 სხვადასხვა სტადიონზე გაიმართება.

ბერლინი - „ოლიმპიაშტადიონი“

ბერლინის „ოლიმპიაშტადიონი“ ევროპის ჩემპიონატზე ექვს მატჩს უმასპინძლებს. ბერლინურ არენა ჯგუფური ეტაპის სამ, ხოლო მერვედ და მეოთხედფინალური ეტაპის თითო შეხვედრას უმასპინძლებს. ევროპის ჩემპიონატის ფინალური მატჩი „ოლიმპიაშტადიონზე“ გაიმართება:

ესპანეთი - ხორვატია (15 ივნისი)

პოლონეთი - ავსტრია (21 ივნისი)

ნიდერლანდები - ავსტრია (25 ივნისი)

მერვედფინალური მატჩი (29 ივნისი)

მეოთხედფინალური მატჩი (6 ივლისი)

ევროპის ჩემპიონატის ფინალი (14 ივლისი)

აღსანიშნავია, რომ 2006 წლის მსოფლიო ჩემპიონატის ფინალური მატჩი, სადაც ერთმანეთს საფრანგეთი და იტალია დაუპირისპირდნენ, „ოლიმპიაშტადიონზე“ გაიმართა. ჩემპიონთა ლიგის 2014-2015 წლების ფინალურ მატჩს, ბარსელონასა და იუვენტუსს შორის, ასევე ბერლინურმა არენამ უმასპინძლა.

კიოლნი - „კიოლნი შტადიონი“

კიოლნში მდებარე სტადიონი, ევროპის ჩემპიონატის 5 მატჩს უმასპინძლებს. აღნიშნულ არენას 2006 წლის მსოფლიო ჩემპიონატისთვის რეკონსტრუქცია ჩაუტარდა. „კიოლნი შტადიონზე“ ჯგუფური ეტაპის ოთხი, ხოლო ერთი კი მერვედფინალური ეტაპის მატჩი ჩატარდება:

უნგრეთი - შვეიცარია (15 ივნისი)

შოტლანდია - შვეიცარია (19 ივნისი)

ბელგია - რუმინეთი (22 ივნისი)

ინგლისი - სლოვენია (25 ივნისი)

მერვედფინალური მატჩი (30 ივნისი)

მიუნხენი - „ალიანს არენა“

მიუნხენის ბაიერნის საშინაო სტადიონზე ევროპის ჩემპიონატის 6 მატჩი გაიმართება. „ალიანს არენაზე“ ევრო 2020-ის სამი მატჩი გაიმართა, სადაც მონაწილე გერმანიის ნაკრები იყო. მაშინ გერმანიის ნაკრებმა მეოთხედფინალური მატჩიც ამ სტადიონზე ჩაატარა, სადაც ბელგიის ნაკრები 2-1 დაამარცხა.

„ალიანს არენამ“, რომელიც 2005 წელს გაიხსნა, პირველი ცუდი მოგონება, სწორედ ამ სტადიონზე მოთამაშე მასპინძელ გუნდს, მიუნხენის ბაიერნს დაუტოვა. 2012 წელს, ჩელსიმ ბაიერნი ჩემპიონთა ლიგის ფინალში დაამარცხა.

რაც შეეხება ევრო 2024 წლის მატჩებს, „ალიანს არენა“ უმასპინძლებს, ჯგუფური ეტაპის ოთხი, ხოლო მეოთხედფინალური და ნახევარფინალური ეტაპების თითო მატჩი ჩატარდება:

გერმანია - შოტლანდია (14 ივნისი)

რუმინეთი - უკრაინა (17 ივნისი)

სლოვენია - სერბეთი (20 ივნისი)

დანია - სერბეთი (25 ივნისი)

მერვედფინალური მატჩი (2 ივლისი)

ნახევარფინალური მატჩი (9 ივლისი)

ფრანკფურტი - „ფრანკფურტი არენა“

ფრანკფურტში მდებარე „ფრანკფურტი არენაზე“ ევროპის ჩემპიონატის 5 მატჩი გაიმართება. „ფრანკფურტი არენა“ 1925 წელს გაიხსნა. ამ სტადიონზე 1966 წელს, კრივის ერთ-ერთი ყველაზე დასამახსოვრებელი ღონისძიება შედგა, სადაც ერთმანეთს მოჰამედ ალი და კარლ მილდენბერგერი დაუპირისპირდნენ. 2011 წელს „ფრანკფურტი არენაზე“ ქალთა მსოფლიო საფეხბურთო ჩემპიონატის მატჩები გაიმართა, ხოლო 2002 წელს კი, ქალთა მსოფლიო ჩემპიონატის ფინალსაც უმასპინძლა.

ფრანკფურტში მდებარე სტადიონი ევრო 2024-ზე ჯგუფური ეტაპის ოთხ, ხოლო მერვედფინალური ეტაპის ერთ მატჩს უმასპინძლებს:

ბელგია - სლოვაკეთი (17 ივნისი)

დანია - ინგლისი (20 ივნისი)

შვეიცარია - გერმანია (23 ივნისი)

სლოვაკეთი - რუმინეთი (26 ივნისი)

მერვედფინალური მატჩი - (1 ივლისი)

ჰამბურგი - „ფოლკსპარკშტადიონი“

ჰამბურგში მდებარე „ფოლკპარკშტადიონი“ ევროპის ჩემპიონატის ხუთ მატჩს უმასპინძლებს, რომელთა შორისაც საქართველოს ნაკრების თამაშიც მოხვდა.

1953 წელს აშენებულმა არენამ, სამ დიდ ფორუმზე სხვადასხვა მატჩებს უკვე უმასპინძლა. ამ არენაზე 1974 და 2006 წლებში მსოფლიო ჩემპიონატის, ხოლო 1988 წელს კი, ევროპის ჩემპიონატის მატჩები გაიმართა.

„ფოლკპარკშტადიონი“ ევრო 2024-ზე, ჯგუფური ეტაპის ოთხ, ხოლო მეოთხედფინალის ერთ მატჩს უმასპინძლებს:

პოლონეთი - ნიდერლანდები (16 ივნისი)

ხორვატია - ალბანეთი (19 ივნისი)

საქართველო - ჩეხეთი (22 ივნისი)

ჩეხეთი - თურქეთი (26 ივნისი)

მეოთხედფინალური მატჩი - (5 ივლისი)

დორტმუნდი - „სიგნალ იდუნა პარკი“

დორტმუნდის „სიგნალ იდუნა პარკი“ ევროპის ჩემპიონატის ექვს მატჩს უმასპინძლებს, რომელთა შორისაც საქართველოს ნაკრების თამაშიც მოხვდა. ამჟამად დორტმუნდის ბორუსიას საშინაო არენა, 1974 წლის მსოფლიო ჩემპიონატისთვის ააშენეს. 2006 წელს „სიგნალ იდუნა პარკმა“ რამდენიმე მატჩს უმასპინძლა, რომელთა შორისაც ნახევარფინალური შეხვედრაც იყო.

„სიგნალ იდუნა პარკი“ ჯგუფური ეტაპის ოთხ და მერვედფინალური და ნახევარფინალური ეტაპების თითო მატჩს უმასპინძლებს:

იტალია - ალბანეთი (15 ივნისი)

საქართველო - თურქეთი (18 ივნისი)

თურქეთი - პორტუგალია (22 ივნისი)

საფრანგეთი - პოლონეთი (25 ივნისი)

მერვედფინალური მატჩი (29 ივნისი)

ნახევარფინალური მატჩი (10 ივლისი)

ლაიპციგი - „ლაიპციგ შტადიუმი“

ლაიპციგში მდებარე „ლაიპციგ შტადიუმმა“ პირველად სანაკრებო ტურნირებზე, 2005 წელს, კონფედერაციის თასის მატჩს უმასპინძლა. მომდევნო წელს კი ამ სტადიონზე მსოფლიო ჩემპიონატის მატჩებიც გაიმართა.

„ლაიპციგ შტადიუმი“ ევრო 2024-ზე ჯგუფური ეტაპის სამ და მერვედფინალის ერთ მატჩს უმასპინძლებს:

პორტუგალია - ჩეხეთი (18 ივნისი)

ნიდერლანდები - საფრანგეთი (21 ივნისი)

ხორვატია - იტალია (24 ივნისი)

მერვედფინალური მატჩი - (2 ივლისი)

გელზენკირხენი - „აუფშალკე არენა“

გელზენკირხენში მდებარე „აუფშალკე არენა“ ევროპის ჩემპიონატის ოთხ მატჩს უმასპინძლებს, რომელთა შორისაც საქართველოს ნაკრების თამაშიც მოხვდა.

„აუფშალკე არენა“ 2001 წელს გაიხსნა. 2004 წელს, ამ სტადიონმა ჩემპიონთა ლიგის ფინალს უმასპინძლა, სადაც პორტუმ მონაკო დაამარცხა. 2006 წელს „აუფშალკე არენამ“ მსოფლიო ჩემპიონატის მატჩებსაც უმასპინძლა.

ევრო 2024-ზე „აუფშალკე არენა“ ჯგუფური ეტაპის სამ და მერვედფინალური ეტაპის ერთ მატჩს უმასპინძლებს.

სერბეთი - ინგლისი (16 ივნისი)

ესპანეთი - იტალია (20 ივნისი)

საქართველო - პორტუგალია (26 ივნისი)

მერვედფინალური მატჩი - (30 ივნისი)

შტუტგარტი - „შტუტგარტ არენა“

შტუტგარტში მდებარე „შტუტგარტ არენა“ ევროპის ჩემპიონატზე ხუთ მატჩს უმასპინძლებს.

ამ არენაზე 1974 და 2006 წლებში მსოფლიო ჩემპიონატის, ხოლო 1988 წელს კი, ევროპის ჩემპიონატის მატჩები გაიმართა. „შტუტგარტ არენამ“ სანაკრებო ტურნირების გარდა, ევროპის ჩემპიონთა თასის ორ ფინალს, 1959 და 1988 წლებში უმასპინძლა. 1959 წლის ფინალში მადრიდის რეალმა რეიმსი, ხოლო 1988 წელს კი, პსვ ეინდჰოვენმა ბენფიკა დაამარცხა.

ევრო 2024-ზე „შტუტგარტ არენა“ ჯგუფური ეტაპის ოთხ, ხოლო მეოთხედფინალის ერთ მატჩს უმასპინძლებს:

სლოვენია - დანია (16 ივნისი)

გერმანია - უნგრეთი (19 ივნისი)

შოტლანდია - უნგრეთი (23 ივნისი)

უკრაინა - ბელგია (26 ივნისი)

მეოთხედფინალური მატჩი - (5 ივლისი)

დიუსელდორდი - „დიუსელდორფი არენა“

დიუსელდორფში მდებარე სტადიონი ევროპის ჩემპიონატზე 5 მატჩს უმასპინძლებს. „დიუსელდორფი არენა“ ამჟამინდელი იერსახით 2002-2004 წლებში, „რეინშტადიონის“ ადგილზე აშენდა, რომელმაც იქამდე 1974 წლის მსოფლიოსა და 1988 წლის ევროპის ჩემპიონატის მატჩებს უმასპინძლა.

ევრო 2024-ზე „დიუსელდორფი არენაზე“, ჯგუფური ეტაპის სამი, ხოლო მერვედ და მეოთხედფინალური ეტაპების თითო მატჩი გაიმართება.

ავსტრია - საფრანგეთი (17 ივნისი)

სლოვაკეთი - უკრაინა (21 ივნისი)

ალბანეთი - ესპანეთი (24 ივნისი)

მერვედფინალური მატჩი - (1 ივლისი)

მეოთხედფინალური მატჩი - (6 ივლისი)

სტადიონის წესები

1. მატჩის დღეს, სტადიონი გულშემატკივრებისთვის მატჩამდე სამი საათით ადრე გაიხსნება.

2. გულშემატკივრები ჩანთებს, რომელიც A4 დასაშვებ ზომას აღემატება, სტადიონზე ვერ შეიტანენ.

3. სტადონზე დასაშვებია პორტატული დამტენის შეტანა, რომელიც ზომით მობილურს არ აღემატება.

4. გულშემატკივარს თან უნდა ჰქონდეს პირადობის დამატასტურებელი მოწმობა.

5. სტადიონზე პროფესიონალური ფოტოაპარატისა და ქოლგის შეტანა დაუშვებელია. დაშვებულია მცირე ზომის დასაკეცი ქოლგის შეტანა.

6. ევრო 2024-ის ყველა სტადიონზე გამოყოფილია ადგილი, სადაც გულშემატკივარს მოწევას შეძლებს. ელექტროსიგარეტის გამოყენება დაუშვებელია.

ევრო 2024-ზე მონაწილე ნაკრებები შემდეგ ლოკაციაზე განთავსებიან.

ალბანეთი - კამენი

ავსტრია - ბერლინი

ბელგია - ლუდვისბურგი

ხორვატია - ნოირუპინი

ჩეხეთი - ნორდერსტედტი

დანია - ფროიდენშტადტი

ინგლისი - ბლანკენჰაინი

საფრანგეთი - პადერბორნი

საქართველო - ფელბერტი

გერმანია - ჰერცოგენაურახ

უნგრეთი - ვაილერ იმ ალგოი

იტალია - ისერლონი

ნიდერლანდები - ვოლფსბურგი

პოლონეთი - ჰანოვერი

პორტუგალია - ჰარსევინკელი

რუმინეთი - ვურცბურგი

შოტლანდია - გარმიშ-პარტენკირხენ

სერბეთი - აუგსბურგი

სლოვაკეთი - მაინცი

სლოვენია - ვუპერტალი

ესპანეთი - დონაუეშინგენი

შვეიცარია - შტუტგარტი

თურქეთი - ბარსინგჰაუსენი

უკრაინა - ვისბადენი

ევრო 2024 | მასპინძელი სტადიონები და მატჩების განრიგი

ევროპის ჩემპიონატი სტარტს 14 ივნისს აიღებს

უახლესი ამბები