დღეს, 25 აპრილს ხორვატიის დედაქალაქ ზაგრებში სტარტს ძიუდოს ევროპის ჩემპიონატი აიღებს, რომელიც 28 აპრილს დასრულდება.

პირველ საშეჯიბრო დღეს, საქმეში ვაჟა მარგველაშვილი (-66 კგ), ეთერ ლიპარტელიანი (-57 კგ) და ნინო ლოლაძე (-57 კგ) ჩაერთვნენ.

-57 კგ წონით კატეგორიაში, ნინო ლოლაძე პირველივე ეტაპზე, ესპანელ მარტა მარტინთან დამარცხდა და ასპარეზობას გამოეთიშა.

ამავე წონოთ კატეგორიაში, ეთერ ლიპარტელიანმა პირველ შეხვედრაში, იტალიელი კაპანინი დიასი ვაზარით დაამარცხა და შემდეგ ეტაპზე გავიდა. მერვედფინალში ეთერმა უმძიმეს ბრძოლაში ფრანგ ფაიზა მოკდარს სძლია და მეოთხედფინალში გავიდა. ლიპარტელიანი ნახევარფინალში სეია ბალჰაუსს დაუპირისპირდა და იპონით დაამარცხა. ნახევარფინალში ეთერი უკრაინელ დარია ბილოდიდთან ვაზარით დამარცხდა და ბრინჯაოს მედლისთვის იბრძოლებს.

-66 კგ წონით კატეგორიაში, ვაჟა მარგველაშვილმა მარკუს აუერს ვაზარით მოუგო და მეოთხედფინალში გავიდა. მეოთხედფინალში ვაჟამ მატეო პირას იპონით სძლია და ნახევარფინალში გავიდა, სადაც ესპანელ ალბერტო გაიტერო მარტინს იპონით მოუგო და ფინალში გავიდა.

მარგველაშვილი ევროპის ჩემპიონატის ფინალში თურქ ძიუდოისტს, მუჰამედ დემირელს დაუპირისპირდა და დაამარცხა. ვაჟა ევროპის ჩემპიონი გახდა და საქართველოს ნაკრებს პირველი ოქროს მედალი მოუტანა.

ვაჟა მარგველაშვილი ევროპის ჩემპიონია

ვაჟა მარგველაშვილი ევროპის ჩემპიონატის ფინალში თურქ ძიუდოისტს დაუპირისპირდა

უახლესი ამბები