დღეს, 19 მაისს აბუ დაბიში ძიუდოს მსოფლიო ჩემპიონატი დაიწყო. პირველ საშეჯიბრო დღეს, მედლები 60, 48 და 52 კილოგრამებში გათამაშდა. დღეს საქართველოს ნაკრებიდან გიორგი სარდალაშვილმა იასპარეზა.

წინასწარმა შეხვედრებმა სტარტი 11:00 საათიდან აიღო. გიორგიმ თავდაპირველად ჩრდილო კორეელ ჯინ ჩაეს ვაზარით სძლია და მომდევნო ეტაპზე გასვლა მოახერხა. ამის შემდეგ, ახალგაზრდა ქართველი ძიუდოისტი ჩონგ-იუ ლინს დაუპირისპირდა და მას 15 წამში ვაზარით მოუგო. მეოთხედფინალურ ეტაპზე სარდალაშვილს ტურან ბაირამოვი ეცილებოდა. გაშვებულ ვაზარის, გიორგიმ ორი ვაზარით უპასუხა. ფინალის საგზურის მოსაპოვებლად კი სარდალაშვილმა ტაიკი ნაკამურას ბარიერი დაძლია. მას ვაზარით მოუგო და მსოფლიო ჩემპიონატზე ოქროს მედლისთვის ბრძოლის უფლება მიიღო.

60კგ წონით კატეგორიაში მსოფლიო ჩემპონის გამოსავლენად ერთმანეთს გიორგი სარდალაშვილი და იუნგ ვეი იანგი დაუპირისპირდნენ. აღსანიშნავია, რომ 2022 წელს აბუ-დაბის გრანდ-სლემის ფინალში ეს ძიუდოისტები ერთმანეთს შეხვდნენ და მაშინ გამარჯვება ქართველს დარჩა. დღევანდელი ფინალი საკმაოდ დაძაბული გამოდგა. გამარჯვებული დამატებით დროში გამოვლინდა, რომელსაც ორივე სპორტსმენი ორი გაფრთხილებით შეხვდა. საბედნიეროდ, გიორგიმ ვაზარით იმარჯვა და ყველაზე ახალგაზრდა ქართველი მსოფლიო ჩემპიონი გახდა!

გიორგი სარდალაშვილი მსოფლიოს ჩემპიონია!

მსოფლიო ჩემპიონატზე დღეს საქართველოს გიორგი სარდალაშვილი წარმოადგენდა

უახლესი ამბები