14 ივნისიდან 14 ივლისის ჩათვლით, გერმანია ევროპის ჩემპიონატს მასპინძლობს, სადაც საქართველოს ნაკრები ერთადერთი დებიუტანტია. ევრო 2024-ის მატჩები 10 ქალაქის 10 სტადიონზე ჩატარდება: ბერლინის „ოლიმპიაშტადიონი“, მიუნხენის „ალიანც არენა“, დორტმუნდის „სიგნალ იდუნა პარკი“, შტუტგარტის „MHP არენა“, გელზენკირხენის „აუფშალკე“, ფრანკფურტის „ვალდშტადიონი“ ჰამბურგის „ფოლკშპარკშტადიონი“, დიუსელდორფის „მერკურ შპილ არენა“, კიოლნის „რეინ ენერჯი შტადიონი“ და ლაიპციგის „რედ ბულ არენა“.

მეოთხე საშეჯიბრო დღეს, 18 ივნისს, საქართველოს დროით 17:00 საათზე, E ჯგუფის მატჩი გახსნის, სადაც ერთმანეთს რუმინეთი და უკრაინა გახსნის. 20:00 საათზე ამავე ჯგუფის მეორე მატჩში ბელგია სლოვაკეთს დაუპირისპირდება. სათამაშო დღე კი, 23:00 საათზე, საფრანგეთისა და ავსტრიის დაიხურება.

საფრანგეთის ნაკრები ევროპის ჩემპიონატზე მეთერთმეტედ ითამაშებს და ტიტულის მესამედ მოგებას ეცდება. „ბებერი კონტინენტის“ პირველობაზე ფრანგების პირველი გამოსვლა 1960 წლით თარიღდება და ზოგადად ეს ევროპის პირველი ჩემპიონატი გახლდათ, რომელსაც სწორედ საფრანგეთმა უმასპინძლა და მაშინ მხოლოდ მეოთხე ადგილს დასჯერდნენ. სამფეროვნებმა პირველად 1984 წელს იჩემპიონეს, რომლის მასპინძლები თავად იყვნენ. მეორედ კი მათ ჩემპიონობა 2000 წელს იზეიმეს.

საფრანგეთის ნაკრებმა ევრო 2024-ის საგზური, საკვალიფიკაციო ეტაპის გავლით მიიღო. "მამლები" B ჯგუფში, ნიდერლანდების, საბერძნეთის, ირლანდიისა და გიბრალტარის ნაკრებებთან ერთად მოხვდა. საფრანგეთმა ჯგუფში 22 ქულით პირველი ადგილი დაიკავა. მეორე ადგილზე 18 ქულით ნიდერლანდების ნაკრები გავიდა, რომელიც წილისყრამ ევროპის ჩემპიონატის ჯგუფშიც არგუნა.

[html]

𝑫𝒊𝒓𝒆𝒄𝒕𝒊𝒐𝒏 𝒍’𝑬𝑼𝑹𝑶 ! 🤩#BleuCollectif pic.twitter.com/LvBpxnpgIg
— Equipe de France ⭐⭐ (@equipedefrance) June 12, 2024

[/html]

ავსტრია ევროპის ჩემპიონატზე მეოთხედ ითამაშებს. მათ პირველად 2008 წელს იასპარეზეს და აღსანიშნავია, რომ მაშინ შვეიცარიასთან ერთად, ჩემპიონატის თანამასპინძლები იყვნენ. რაც შეეხება კონტინენტის ტურნირზე საუკეთესო შედეგს, ავსტრიელები ევრო 2020-ზე მერვედფინალში გავიდნენ.

ავსტრიის ნაკრებმა ევრო 2024-ის საგზური საკვალიფიკაციო ეტაპის გავლით მიიღო. რანგნიკის გუნდი შესარჩევში, ხუთგუნდიან F ჯგუფში მოხვდა, სადაც მისი მეტოქეები ბელგიის, შვედეთის, აზერბაიჯანისა და ესტონეთის ნაკრებები იყვნენ. ავსტრიამ ჯგუფში 19 ქულა მოაგროვა და ლიდერს, ბელგიას მხოლოდ ქულით ჩამორჩა.

[html]

Volle Konzentration 🫡 pic.twitter.com/iBv5WSoHA4
— ÖFB - oefb.at (@oefb1904) June 13, 2024

[/html]

საფრანგეთმა და ავსტრიამ, ევროპის ჩემპიონატამდე ორ-ორი ამხანაგური მატჩი ჩაატარეს და მსგავსად, ერთი მოგოება და ერთი ფრე მიითვალეს. საფრანგეთმა ლუქსემბურგს სძლია და კანადას დაუზავდა, ხოლო ავსტრიამ, სერბეთის დამარცხების შემდეგ, შვეიცარიასთან ფრედ ითამაშა.

ამ დაპირისპირებას საკმაოდ ხანგრძლივი ისტორია აქვს. ამ ნაკრებებმა ერთმანეთში 25 მატჩი გამართეს და გასაკვირი არავისთვის არის ის ფაქტი, რომ საფრანგეთს უკეთესი სტატისტიკური მაჩვენებელი აქვს. მიუხედავად ამისა, ავსტრიის ნაკრები მეტოქეს დიდად არ ჩამორჩება. საფრანგეთმა ავსტრიას 13 მატჩი მოუგო, 9 დათმო და სამიც ფრედ დასრულდა. ამ გუნდებს შორის ბოლო დაპირისპირება 2022 წლის ერთა ლიგაზე გაიმართა, დეშამის გუნდმა მეტოქე ერთხელ დაამარცხა და ერთიც ფრედ ითამაშა.

სავარაუდო შემადგენლობები

ავსტრია: პენტზი, დანსო, პოში, ვობერი, მენე, სივალდი, გრილიჩი, ზაბიცერი, ლაიმერი, გრეგორიჩი, ბაუმგარტნერი,

საფრანგეთი: მენიო, კუნდე, სალიბა, უპამეკანო, ერნანდესი, კანტე, რაბიო, დემბელე, ტურამი, გრიზმანი, მბაპე,

პრევიუ | ავსტრია VS საფრანგეთი

საფრანგეთი ევროპის ჩემპიონატის მესამედ მოგებას უმიზნებს

ავსტრია ევროპის ჩემპიონატზე მეოთხედ ასპარეზობს

უახლესი ამბები