ევროპის ჩემპიონატი ჯგუფური ეტაპების მატჩებით გრძელდება. 20 ივნისს, მაყურებელი სამ შეხვედრას იხილავს, 17:00 საათზე C ჯგუფის წარმომადგენლების, სლოვენიისა და სერბეთის დაპირისპირება დაიწყება. 20:00-დან ამავე ჯგუფის მეორე მატჩი გაიმართება, სადაც ინგლისი დანიის დამარცხებას ეცდება, ხოლო დღის დასკვნით შეხვედრაში უკვე B ჯგუფის ლიდერების, ესპანეთისა და მოქმედი ჩემპიონის - იტალიის შეხვედრა დაიწყება.

20 ივნისს გასამართ პირველ მატჩზე რომ ვისაუბროთ, აღსანიშნავია, რომ სერბეთი პირველ წრეში ინგლისთან 1:0 დამარცხდა და ამ მომენტისთვის ჯგუფში 0 ქულით ბოლო ადგილს იკავებს, ხოლო სლოვენიამ დანიასთან ფრე - 1:1 დააფიქსირა.

ამ ნაკრებების ურთიერთშეხვედრებს თუ გადავავლებთ თვალს, 2010 წლიდან 2022 წლამდე ისინი ერთმანეთს ოთხჯერ დაუპირისპირდნენ და მათ შორის სრული თანაფარდობაა. დაფიქსირდა 2 ფრე და თითოჯერ იმარჯვეს.

უშუალოდ ამ მატჩის წინ, ბუკმეიკერების ფავორიტი სერბეთის ნაკრებია. სავარაუდოდ, სერბებს მუხლის ტრავმის გამო ფილიპ კოსტიჩი გამოაკლდებათ.

აღნიშნული დაპირისპირება მიუნხენში, ბაიერნის საშინაო არენაზე გაიმართება და ჯამურად 70,00-ამდე გულშემატკივარი იქნება დაშვებული.

მატიაშ კეკი (სლოვენიის მწვრთნელი)

ამ შეხვედრაში დაფიქსირებული შედეგი, შემდგომში შეიძლება, რომ ჩვენთვის გადამწყვეტიც კი აღმოჩნდეს. თითოეული ქულა, გატანილი და გაშვებული გოლების რაოდენობა უნდა გავნსაზღვროთ და გავითვალისწინოთ. დანიასთან მძიმე მატჩი გამოვიდა. სამწუხაროდ, არ გაგვიმართლა, რადგან ვთვლი, რომ მოგება შეიძლებოდა.

ვფიქრობ, სერბეთთან დაძაბული შეხვედრა გველოდება. ჩვენ ამ მატჩისთვის 100 პროცენტით მოვემზადებით და ვეცდებით, რომ მეტოქეს თავს საკუთარი თამაში მოვახვიოთ. ფლანგებიდან სწრაფად და აგრესიულად უნდა ვიმოქმედოთ. მათ უმაღლესი დონის შემტევები ჰყავთ და დაცვაში დიდი სიფრთხილის გამოჩენა მოგვიწევს.

დრაგან სტოიკოვიჩი (სერბეთის მწვრთნელი)

რა თქმა უნდა, ყოველთვის ცუდია, როცა ტურნირზე გამოსვლას მარცხით იწყებ, მაგრამ უნდა გავითვალისწინოთ, რომ ჩვენ ევროპის ჩემპიონატის უმთავრეს ფავორიტთან მინიმალური სხვაობით დავმარცხდით. ასეთი დონის მეტოქეებთან თამაში ჩემს ფეხბურთელებს გამოცდილებას კიდევ უფრო უღრმავებს.

სლოვენიასთან მარტივი მატჩი არ გველოდება, მაგრამ მე იმედიანად ვარ განწყობილი. სამი ქულა ძალიან გვჭირდება. საკუთარ თავებს უნდა ვაჯობოთ და ყველაფერი გავაკეთოთ ამ შეხვედრის მოსაგებად.

სავარაუდო შემადგენლობები

სლოვენია: ობლაკი, ჯანზა, ბიოლი, კარნიჩნიკი, სტოიანოვიჩი, ჩერინი, ელსნიკი, მლაკარი, სპორარი, შეშკო

სერბეთი: რაკოვიჩი, ველკოვიჩი, მილენკოვიჩი, პავლოვიჩი, კოსტიჩი, გუდელი, ლუკიჩი, ზივკოვიჩი, ტადიჩი, მილინკოვიჩ-სავიჩი, ვლაჰოვიჩი

პრევიუ | სლოვენია VS სერბეთი

მატჩი 20 ივნისს, 17:00 საათზე დაიწყება

უახლესი ამბები