26 ივლისს, გერმანიაში მიმდინარე ევროპის ჩემპიონატის ჯგუფური ეტაპი F ჯგუფის მატჩებით დასრულდება. დასკვნით ტურში, საქართველოს ეროვნული ნაკრები გელზენკირხენის "არენა აუფშალკეზე" პორტუგალიის ეროვნულ გუნდს დაუპირისპირდება. ხოლო, ჰამბურგის "ფოლკსპარკშტადიონზე" ერთმანეთს ჩეხეთი და ტურქეთი შეხვდებიან.

განვლილი ორი ტურის შემდეგ, ჯგუფს პორტუგალიის ნაკრები ექვსი ქულით ლიდერობს და პლეი ოფში თამაში პირველი ადგილით უკვე გარანტირებული აქვს. მეორე პოზიციაზეა თურქეთი, რომელსაც სამი ქულა აქვს და მესამე ტურში, ჩეხეთთან ფრეც ჰყოფნის, რომ მერვედფინალში მეორე ადგილით გავიდეს. თავის მხრივ კი ჩეხებს ერთი ქულა აქვთ და საქართველოსთან ერთად, მესამე - მეოთხე ადგილებს იყოფს. ასევე, უნდა აღინიშნოს, ჩეხეთსაც და საქართველოსაც პლეი ოფში გასვლის შანსი აქვთ და თეორიულად ისიც შესაძლებელია, რომ ერთ-ერთი მათგანი მომდევნო ეტაპზე ორი ქულითაც გადავიდეს.

[html]

Dortmund foi INCRÍVEL! 😍🇵🇹 Próxima paragem: Gelsenkirchen 🔜 #PartilhaAPaixão

🫂 Junta-te ao Portugal+ pic.twitter.com/gRTDXGnERX
— Portugal (@selecaoportugal) June 25, 2024

[/html]

გამომდინარე იქიდან, რომ პორტუგალიის ნაკრებს მერვედფინალში თამაში უკვე გარანტირებული აქვს, დიდი ალბათობით, რობერტო მარტინესი საქართველოსთან სათამაშოდ გადახალისებულ შემადგენლობას დააყენებს. მაგრამ, პორტუგალიელთა განაცხადი მხოლოდ სუპერვარსკვლავებით არის დაკომპლექტებული და მათი მეორე შემადგენლობაც კი საკმაოდ ძლიერად გამოიყურება. შედეგად, ვილი სანიოლის გუნდს ურთულესი გამოცდის ჩაბარება მოუწევს და მიუხედავად იმისა, რომ შესაძლოა, მომდევნო რაუნდში გასასვლელად ჩვენს ნაკრებს ერთი ქულაც ეყოს, თუნდაც გადახალისებულ პორტუგალიასთან ამ ერთ ქულას მარტივად ვერც გრანდები დაგეგმავენ.

იმ შემთხვევაშიც კი, თუ საქართველოს ნაკრები პორტუგალიასთან ქულას მოიპოვებს, გარანტია არ არის იმისა, რომ "ჯვაროსნები" პლეი ოფში გავლენ, რადგან ეს მხოლოდ ჩვენს გუნდზე არ არის დამოკიდებული და გავა თუ არა საქართველო მერვედფინალში ორი ქულით, სხვა ჯგუფებში დაფიქსირებული შედეგები განაპირობებს. საქართველოსა და პორტუგალიის ნაკრებების მატჩამდე კი ყველაფერი გარკვეული იქნება და ზუსტად გვეცოდინება, რა შემთხვევაში შევძლებთ მომდევნო ეტაპზე გადასვლას.

[html]

🇬🇪 Georgia's first EURO goal ✔️#EURO2024 | #TURGEO pic.twitter.com/HPFEdc7WVa
— UEFA EURO 2024 (@EURO2024) June 18, 2024

[/html]

საქართველოს ნაკრებმა თავისთვის სადებიუტო ევროპის ჩემპიონატზე გამოსვლა თურქეთთან (1-3) დასანანი მარცხით დაიწყო. სანიოლის გუნდმა ჩვენი ქვეყნის მეზობლებთან შესანიშნავი მატჩი აჩვენა, საყოველთაო ყურადღების ეპიცენტრში მოექცა და ბევრიც მიიჩნევდა, რომ იმ მატჩში შედეგი რეალობას არ ასახავდა და "ჯვაროსნები" უფრო მეტს იმსახურებდნენ. მეორე ტურის შეხვედრაში კი საქართველომ ჩეხეთთან ფრედ, 1-1 ითამაშა და ისტორიული ქულა აიღო. თუმცა, უნდა აღინიშნოს, რომ ბოლო წამებზე ჩვენს ნაკრებს მოგებაც კი შეეძლო, მაგრამ საბა ლობჟანიძემ შესანიშნავი შანსი ვერ გამოიყენა.

რაც შეეხება პორტუგალიას, რობერტო მარტინესის გუნდმა პირველ მატჩში ჩეხებთან დაძაბულ ბრძოლაში 2-1 გაიმარჯვა. მაგრამ მეორე ტურში თურქებს (3-0) მარტივად სძლიეს და მერვედფინალში თამაშის უფლება ვადაზე ადრე მოიპოვეს.

საქართველოსა და პორტუგალიის ეროვნული გუნდები ერთმანეთს აქამდე მხოლოდ ერთხელ შეხვედრიან და ის მატჩიც მხოლოდ ამხანაგურ ხასიათს ატარებდა. 2008 წლის 31 მაისს, ვიზეუში ამ გუნდების დაპირისპირება პორტუგალიელთა გამარჯვებით, 2-0 დასრულდა, სადაც გატანილი გოლებით თავი ჟოაუ მოუტინიომ და სიმაო საბროსამ გამოიჩინეს. საინტერესოა ისიც, რომ მაშინდელი შემადგენლობიდან პორტუგალიელთა რიგებში დღეს პეპე და კრიშტიანუ რონალდუ თამაშობენ. ხოლო, საქართველოს ნაკრების იმჟამინდელი გუნდიდან დღეს ნაკრების ღირსებას მხოლოდ გიორგი ლორია იცავს.

ფრანსისკო კონსეისაუ (პორტუგალიის ნაკრების შემტევი):

ჩვენი მიზანი ამ მატჩში გამარჯვებაა. პირველ რიგში ეს უნდა გავაკეთოთ ჩვენი ოჯახებისთის, ქვეყნისთვის და ნაკრებისთვის, რომელსაც წარმოვადგენთ. ვიცით, რომ ჩვენს გუნდში არიან ლეგენდარული ფეხბურთელები, რომლებმაც ისტორია შექმნეს და დღეს აქ იმისთვის არიან, რომ ჩვენ დაგვეხმარომ. სწორედ ამის იმედი გვაქვს, დავეხმაროთ მათ ისევე, როგორც ისინი გვეხმარებიან. ვფიქრობ, რომ გამოცდილი და ახალგაზრდების მოთამაშეების ასაკობრივი შერწყმა კარგ გამოცდილებას გვძენს, რომელიც ძალიან შორს წაგვიყვანს.

სავარაუდო შემადგენლობები:

საქართველოს ნაკრები:

გიორგი მამარდაშვილი, ოთარ კაკაბაძე, საბა კვერკველია, გურამ კაშია, ლაშა დვალი, გიორგი წიტაიშვილი, ანზორ მექვაბიშვილი, გიორგი ქოჩორაშვილი, გიორგი ჩაკვეტაძე, ხვიჩა კვარაცხელია, გიორგი მიქაუტაძე,

პორტუგალიის ნაკრები:

ჟოზე სა, დიოგუ დალო, გონსალუ ინასიუ, ანტონიო სილვა, ნელსონ სემედუ, ჟოაუ ნევეში, ჟოაუ პალინია, დიოგუ ჟოტა, მათეუს ნუნეში, ჟოაუ ფელიქსი, გონსალუ რამუში

პორტუგალიის ნაკრებს დისკვალიფიკაციის გამო მილანის შემტევი, რაფაელ ლეაუ ვერ დაეხმარება, რომელმაც განვლილ ორ ტურში ორი ყვითელი ბარათი მიიღო. საქართველოს ნაკრებში კი კარგი ამბავი ის არის, რომ გუნდს ოთარ კიტეიშვილი დაუბრუნდა, რომელსაც პორტუგალიასთან სათამაშო დრო აუცილებლად მიეცემა და ევრო 2024-ზე თავის გამოჩენის საშუალება პირველად მიეცემა.

მატჩის მთავარი მსაჯი შვეიცარიელი სანდრო შარერი იქნება.

პრევიუ | საქართველო VS პორტუგალია

საქართველოს ნაკრები ურთულესი ამოცანის წინაშეა

პორტუგალიას პირველი ადგილი გარანტირებული აქვს

უახლესი ამბები