ნიუ ჯერსიში, UFC 316-ის ეგიდით, მორიგი გრანდიოზული ღონისძიება გაიმართა, სადაც დღის მთავარი დაპირისპირება სუპერმსუბუქ დივიზიონში, მერაბ ჩემპიონ მერაბ დვალიშვილსა და შონ ომალის შორის შედგა.

იყო მოლოდინი, რომ ამერიკელი მებრძოლი ქართველს კონკურენციას გაუწევდა. თუმცა, დვალიშვილმა ბრძოლა თავის სასარგებლოდ წარმართა, მეტოქე მესამე რაუნდში მახრჩობელა ილეთით დაამარცხა და ჩემპიონის ქამარი მეორედ დაიცვა.

შეგახსენებთ, რომ მერაბმა ქამარი სწორედ ომალისთან ბრძოლის შემდეგ მოიგო, რომელიც გასული წლის სექტემბერში შედგა. ხოლო, მიმდინარე წლის დასაწყისში ქართველმა მანქანამ უმარ ნურმაგომედოვი დაამარცხა და ტიტულის დაცვის პირველი მცდელობა წარმატებით დაასრულა.

მოსალოდნელია, რომ მერაბ დვალიშვილს მომდევნო ორთაბრძოლა და ჩემპიონის ქამრის დაცვის მესამე მცდელობა კორი სენდჰაგენის წინააღმდეგ ექნება.

აქვე იმასაც მოგახსენებთ, რომ ომალისთან გამარჯვების შემდეგ, დვალიშვილმა ყველაზე პრესტიჟულ ორგანიზაციაში ზედიზედ მე-13 ბრძოლა მოიგო.

დვალიშვილმა ჩემპიონის ქამარი მეორედ დაიცვა

დვალიშვილმა ომალი დაამარცხა

უახლესი ამბები