ვაჟა კაჭარავას სახელობის ფრენბურთის არენამ ევროპის ჩემპიონატის საკვალიფიკაციო ეტაპის ორ შეხვედრას უმასპინძლა.

დღის პირველ მატჩში საქართველოს ქალ ფრენბურთელთა ნაკრებმა დანიას უმასპინძლა და დრამატულ შეხვედრაში 2:3 დამარცხდა.

სტუმრებმა პირველი სეტი იოლად, 25:14 მოიგეს, რის შემდეგაც საქართველოს ნაკრებმა შეხვედრაში გარდატეხის შეტანა შეძლო და ორი სეტის მოგებით (25:21; 25:20) დაწინაურება მოახერხა. მეოთხე სეტში დანიელებმა უკეთ ითამაშეს და 25:19 სძლიეს მეტოქეს. გადამწყვეტი, მეხუთე სეტში სტუმრები თავიდანვე დაეუფლნენ უპირატესობას და საბოლოდ 15:11 მოიგეს.

დანიასთან მატჩში საქართველოს ნაკრების შემადგენლობაში 21 ქულით ანა კალანდაძე იყო საუკეთესო. მიუხედავად მარცხისა, საქართველოს ნაკრები 4-გუნდიან ჯგუფში მე-3 პოზიციაზეა დარჩა და ბოლო ადგილზე მყოფ დანიელებს 2 ქულით უსწრებს.

სათამაშო დღის მეორე შეხვედრაში ვაჟ ფრენბურთელთა ნაკრები ნორვეგიას ხვდებოდა. აღნიშნული მატჩი ნაკლებად დაძაბული აღმოჩნდა. სტუმრებმა გაამართლეს ფავორიტის სტატუსი და იოლად, 3:0 სძლიეს საქართველოს ნაკრებს, რომელიც 5 მატჩის შემდეგ 0 ქულით ჯგუფში ბოლო ადგილზეა.

ქართველი ფრენბურთელების წარუმატებელი დღე

უახლესი ამბები