როგორც საერთაშორისო ოლიმპიური კომიტეტის პრეზიდენტი, თომას ბახი აცხადებს, ის ტრანსგენდერ სპორტსმენებთან სამუშაო გეგმას ამუშავებს და შესაბამისი შედეგები უახლოეს პერიოდში გახდება ცნობილი. ბახის თქმით, მათი მთავარი ამოცანაა, რომ პოლიტიკური კუთხით არ მოხდეს დისკრიმინაცია და სწორედ ამიტომ უნდა იყვნენ ნეიტრალურები.

"რა თქმა უნდა პატივი უნდა ვცეთ პოლიტიკას, მაგრამ საჭიროა ვიყოთ მისგან დამოუკიდებლები და სპორტში არ იგრძნობოდეს მისი გავლენა. ჩვენ შევხვდით მძლეოსნობის საერთაშორისო ფედერაციის წარმომადგენლებს, სადაც ასევე განვიხილეთ ტრანსგენდერ სპორტსმენთა საკითხი. მაქსიმალურად ვცდილობთ, რომ ყველაფერი გაკეთდეს საჭირო სიზუსტით. უკვე ვმუშაობთ საკითხზე, რომელიც შეეხება ტრანსგენდერ ათლეტებთან მუშაობის გეგმას და ის აფსოლუტურად ყველა ფედერაციას გადაეგზავნება და ცხადია ისინი სრულად გაერკვევიან მის სპეციფიკაში." - განაცხადა ბახმა

მოგეხსენებათ, რომ მძლეოსნობის ფედერაციათა საერთაშორისო ასოციაციის ახალი წესების თანახმად, იმ ქალ სპორტსმენებს, რომლებსაც მაღალი ტესტოსტერონი აქვთ, მისი დონის შემცირება ხელოვნურად უნდა მოახდინონ. აღნიშნული წესდების გამო, დოჰაში მსოფლიო ჩემპიონატზე მონაწილეობას ვერ ახერხებს 800 მეტრზე რბენაში მსოფლიოს 3 გზის და 2 გზის ოლიმპიური ჩემპიონი კასტერ სემენია, რომელიც სამხრეთ აფრიკის წარმომადგენელია.

ტრანსგენდერ სპორტსმენებთან სამოქმედო გეგმა მუშავდება

ასევე იხილეთ

უახლესი ამბები