რომან დოლიძე UFC–ში სადებიუტო ბრძოლისთვის ემზადება
ჩვენებური რუს ხადის იბრაგიმოვს დაუპირისპირდება

ჩვენებური UFC–ში სადებიუტო ბრძოლას 2020 წლის 13 ივნისს, რუსი მებრძოლის, ხადის იბრაგიმოვის წინააღმდეგ გამართავს. UFC–ის ისტორიაში პირველად მოხდება, რომ ბრძოლა ყაზახეთში შედგება.

საინტერესო ფაქტები ხადის იბრაგიმოვის შეასხებ

რუსი მებრძოლი 24 წლისაა და 92კგ–ს იწონის. სიმაღლეში კი 190სმ გახლავთ, ხოლო რიჩი 199! ცნობილია, რომ იბრაგიმოვი ბრძოლის დროს ძირითადად მარჯვენა ხელს იყენებს. მისი დებიუტი UFC–ში გასულ წელს, აგვისტოს თვეში შედგა. მანამდე ის M1-ის ეგიდით გამართულ ბრძოლებში მონაწილეობდა და ჩემპიონის სტატუსიც ჰქონდა.

რომან დოლიძე იბრაგიმოვისთვის პირველი ქართველი მეტოქე არ იქნება. წარსულში რუსი გიგა კუხალაშვილს დაუპირისპირდა და გამარჯვება იზეიმა. პროფესიონალურ დონეზე ჩატარებული ათი მატჩიდან რვა შემთხვევაში შეძლო გამარჯვება და ორჯერ დამარცხდა.

ხადის იბრაგიმოვმა ორი ბრძოლა ნოკაუტით მოიგო. სამჯერ დანებდნენ, ორ შემთხვევაში მეტოქე მსაჯების გადაწყვეტილებით დაამარცხა და ერთხელ დისკვალიფიკაციით იმარჯვა.

რომან დოლიძემ სოციალურ ქსელში პოსტი გამოაქვეყნა, რომელიც აღნიშნულ ბრძოლას ეხებოდა. ჩვენებურის თქმით, ის მოხარულია, რომ UFC–ში სადებიუტო ბრძოლას ყაზახეთში გამართავს და ამ ქვეყნის სტუმართმოყვარეობით მოხიბლულია.

ასევე იხილეთ: ბრძოლა შედგება - ჭიკაძის ახალი მეტოქე ცნობილია

რას წარმოადგენს დოლიძის მეტოქე, ხადის იბრაგიმოვი ?

უახლესი ამბები