ფერსტაპენი განახლებულ ტრასაზე დაბრუნებით კმაყოფილია
რედ ბული ახალ სეზონს იმედიანად ელოდება

რედ ბულის პილოტმა, მაკს ფერსტაპენმა ზანდვორტის განახლებულ ტრასაზე დაბრუნების შემდეგ, სადაც ხანგრძლივი პაუზის შემდეგ ნიდერლანდების გრან პრი გაიმართება, თავისი პირველი შთაბეჭდილებების შესახებ ისაუბრა.

🗣 “I’m really looking forward to coming back here for the Grand Prix” @Max33Verstappen on the revamped Zandvoort circuit 👌🇳🇱 #DutchGP pic.twitter.com/cH1szsLRG9
— Aston Martin Red Bull Racing (@redbullracing) March 4, 2020

"ეს შესანიშნავი იყო. ტრასა ადრეც არ იყო ცუდი, თუმცა ცვლილებების შემდეგ ის უფრო შთამბეჭდავია. განსაკუთრებით გამოვარჩევდი მესამე და ბოლო მოსახვევებს. მესამე მოსახვევში ხილვადობის არეალი, შემაღლების გამო ფაქტობრივად არ არის. ბოლიდში შენ ძალიან დაბლა ზიხარ და წინ თითქმის ვერაფერს ხედავ. ეს კი რბოლას შესანიშნავს და გასართობს გახდის.

ვგრძნობ თუ არა, რომ ჩემპიონობა უკვე შემეძლო? რეალისტებად უნდა დავრჩეთ. ჯერჯერობით არ გვქონია შანსი, რომ ტიტულისთვის გვებრძოლა. რა თქმა უნდა ჩემპიონი ყოველ წელს სიამოვნებით გავხდებოდი, თუმცა როგორც გუნდი, წარმატებისკენ ეტაპობრივად უნდა ვიაროთ და თითქმის დარწმუნებული ვარ, რომ ახალ სეზონში მაღალი მიზნებისთვის ბრძოლა ნამდვილად შეგვიძლია".

შეგახსენებთ, რომ ფორმულა 1-ის 2020 წლის სეზონი სტარტს 13-15 მარტს, ავსტრალიის გრან პრით აიღებს. ნიდერლანდები კი ჩემპიონატის მე-5 ეტაპს, ზანდვორტის ტრასაზე 1-3 მაისს უმასპინძლებს.

ასევე იხილეთ: ოფიციალურად: ჩინეთის გრანპრი გადაიდო

ფერსტაპენი ზანდვორტში დაბრუნებით კმაყოფილია

ასევე იხილეთ

უახლესი ამბები