სანდრო ბაზაძე მსოფლიო რეიტინგში მეშვიდეა
ქართველი მოფარიკავისთვის ეს პირადი რეკორდია

სანდრო ბაზაძე, რომელიც საქართველოს მოფარიკავეთა ნაკრების წევრია, მსოფლიო რეიტინგში დაწინაურდა და განახლებულ სიაში მეშვიდე პოზიციას იკავებს, რაც მისთვის პირადი რეკორდი გახლავთ.

ბაზაძემ ქულების მოპოვება ლუქსემბურგში შეძლო. ის ხმლით მოფარიკავეთა მსოფლიო თასზე იღებდა მონაწილეობას. მან ფლეი ოფის პირველ წრეში ჩინელი იაინგჰუიიანი 15:13 დაამარცხა.

შემდეგ ფრანგ სებასტიენ პატრისს დაუპირისპირდა და მასაც აჯობა 15:10. მერვედფინალურ ეტაპზე კი დასანანი მარცხი განიცადა იტალიელ ლუიჯი სამელასთან 13:15.

ყოველივე ამის შემდეგ, საერთაშორისო ფარიკაობის ფედერაციის მიერ გამოქვეყნებულ რეიტინგში ის დაწინაურდა და მეშვიდე ადგილზე გადაინაცვლა. კარიერაში მას ასეთი მაჩვენებელი ჯერ არ ჰქონია.

ქართველი მოფარიკავე მსოფლიო რეიტინგში მეშვიდეა

ასევე იხილეთ

უახლესი ამბები