ოლიმპიადის გადადების მოთხოვნას ყოველდღიურად სხვადასხვა ქვეყანა აყენებს
მათ რიცხვს კანადაც შეემატა

კორონავირუსმა კაცობრიობის დღის წესრიგი შეცვალა. მსოფლიოს მაშტაბით შეჩერებულია თითქმის ყველა სპორტული ღონისძიება. ისეთი მსხვილი ტურნირები, როგორიცაა ევროპის ჩემპიონატი ფეხბურთში და კოპა ამერიკა ერთ წლით გადაიდო. ასევე გადადებულია სპორტის სხვადასხვა სახეობებში ტოპ ლიგები და იმის გამო, რომ "მკვლელი ვირუსით" დაავადებულთა და გარდაცვლილთა რიცხვი ყოველდღიურად იზრდება, ჩემპიონატების განახლების ზუსტ თარიღზე საუბარი ორგანიზატორებს უჭირთ.

კითხვის ნიშნის ქვეშ დგას ტოკიოს 2020 წლის ოლიმპიადის ჩატარების საკითხი. იმ შემთხვევაში თუ ეს ღონისძიება გაუქმდება, იაპონია დაალოებით 74 მილიარდს იზარალებს, რაც ქვეყნის ეკონომიკისთვის სერიოზული დარტყმა იქნება. ცხადია, რომ ეს არ სურს მთავრობას, ამიტომ ქვეყნის პრემიერ–მინისტრი შინზო აბე აცხადებს, რომ COVID–19 ოლიმპიადის ჩატარებას ხელს ვერ შეუშლის და ის დაგეგმილ ვადებში გაიმართბა. არსებული გრაფიკით კი ტოკიოს ზაფხულის თამაშები 24 ივლისიდან ცხრა აგვისტოს ჩათვლით უნდა შედგეს.

#BREAKING: Canada won’t be at this summer’s Tokyo Olympics unless the Games are postponed by a year.https://t.co/yiwY1kJZJR
— Globalnews.ca (@globalnews) March 23, 2020

ნორვეგიისა და ამერიკის ეროვნულმა ოლიმპიურმა კომიტეტებმა უკვე გაუგზავნეს ოფიციალური წერილი საერთაშორისო კომიტეტეს. მათ მოითხოვეს, რომ მსოფლიოში არსებული მდგომარეობიდან გამომდინარე მოხდეს ოლიმპიადის გადავადება, რადგან არ სურთ, რომ თავიანთი სპორტსმენებისა და გულშემატკივრების ჯანმრთელობას საფრთხე შეუქმნან.

ამ ქვეყნების რიცხვს უკვე კანადაც შეემატა. როგორც ირკვევა, ისინი არ აპირებენ, რომ თავიანთი სპორტსმენები ზაფხულში ტოკიოში გაგზავნონ.

"კანადის ოლიმპიური კომიტეტის სახელით მოგიწოდებთ, რომ ტოკიოს 2020 წლის ოლიმპიადა ერთი წლით გადაიდოს. ჩვენ მზად ვართ, რომ მაქსიმალური დახმარება გავწიოთ იმ სირთულეებისას, რომელიც შეიძლება წარმოიშვას ამ პროცესის განხორციელების დროს. მიგვაჩნია, რომ სპორტსმენების ჯანმრთელობა ყველაზე მნიშვნელოვანია და არ გვსურს, რომ ისინი ტოკიოში გავგზავნოთ", – ნათქვამია განცხადებაში.

სააგენტო როიტერმა გაავრცელა ინფორმაცია, რომლის თანახმადაც, ორგანიზატორები რამდენიმე საკითხს განიხილავენ. მათ შორის როგორც გადავადების, ასევე ოლიმპიადის უმაყურებლოდ ჩატარების ვარიანტსაც. როგორც გაირკვა, ღონისძიების მსხვილ სპონსორებს, როგორიცაა: ტოიოტა, პანასონიკი და იაპონიის ავიახაზები, არ სურთ, რომ ოლიმპიადა გადაიდოს, რადგან ამ შემთხვევაში ისინი კოლოსალურ ზარალს მიიღებენ და სწორედ ამიტომ, ჩვეული გრაფიკით აგრძელებენ მზადებას.

ასევე იხილეთ: ოლიმპიური ცეცხლის გადაცემის ცერემონიალი უმაყურებლოდ გაიმართა

კანადა ოლიმპიადის გადადებას ითხოვს

უახლესი ამბები