ნიუ ჯერსი დევილსი მწვრთნელის ძიებაშია
კანდიდატთა შორის გალანი დაწინაურდა

TSN-ის ჟურნალისტი, პიერ ლებრუნი იტყობინება, რომ კანადელი სპეციალისტი, ჟერარ გალანი ნიუ ჯერსი დევილსის მთავარი მწვრთნელის პოსტზე დანიშვნის ერთ-ერთი უმთავრესი კანდიდატია.

გავრცელებული ინფორმაციით, დევილსის გენერალურმა მენეჯერმა, ტომ ფიცჯერალდმა გალანთან უკვე გამართა დისტანციური შეხვედრა, თუმცა საუბრის დეტალები ამ დროისთვის უცნობია.

ჟერარ გალანი სხვადასხვა წლებში კოლამბუს ბლუ ჯექითსის, ფლორიდა პანტერსისა და ვეგას გოლდენ ნაითსის მთავარი მწვრთნელის პოსტს იკავებდა.

Further to what I reported on TSN's Insider Trading, here's more details on the Devils interviewing Gerard Gallant and other coaching candidates, Alain Nasreddine very much also a candidate; plus other NHL coaching situations:https://t.co/e71yDGMwae
— Pierre LeBrun (@PierreVLeBrun) April 21, 2020

56 წლის სპეციალისტმა ვეგასში დაკავებული პოსტი ამა წლის იანვარში დატოვა. უნდა აღინიშნოს, რომ 2018 წელს გალანმა გოლდენ ნაითსი სტენლის თასის ფინალში გაიყვანა და ვაშინგტონ ქეფითალსთან სერიაში 4:1 დამარცხდა, თავად კი სეზონის საუკეთესო მწვრთნელის ჯილდო აიღო.

შეგახსენებთ, რომ NHL-ს 2019-2020 წლების სეზონი ამჟამად კორონავირუსის პანდემიის გამო გაურკვეველი პერიოდით არის შეჩერებული, რომლის მსვლელობის დროსაც, ნიუ ჯერსიმ მთავარი მწვრთნელის პოსტიდან ჯონ ჰაინსი დაითხოვა და მის მოვალეობებს ალენ ნასრედინი ასრულებს, რომელიც ასევე არის დევილსის მწვრთნელტა კანდიდატებს შორის.

ასევე იხილეთ: დაუტი: "არ ვიცი მოხერხდება თუ არა ჩემპიონატის გაგრძელება"

ნიუ ჯერსი შესაძლოა გალანმა ჩაიბაროს

უახლესი ამბები