ედი ალვარესმა ტონი ფერგიუსონსა და კონორ მაკგრეგორზე ისაუბრა
ტონი ჯასტინ გეიჯთან საბრძოლველად ემზადება

ედი ალვარესი, რომელიც აბსოლუტური საბრძოლო ჩემპიონატის ყოფილი ჩემპიონია ფიქრობს, რომ კონორ მაკგრეგორი უფრო ძლიერი მებრძოლია, ვიდრე ტონი ფერგიუსონი.

ალვარესმა 2016 წელს საჩემპიონო ქამარი კონორ მაკგრეგორთან ბრძოლის შედეგად დათმო. ის ამჟამად One Championship-ში ასპარეზობს და theScoreMMA–ს ინტერვიუ მისცა.

"UFC 249 ძალიან საინტერესო იქნება და ამ შოუს თვალს აუცილებლად მივადევნებ. მე სიამოვნებით ვიხილავდი კონორისა და გეიჯის ბრძოლას. ტონი? მაკგრეგორი ფერგიუსონზე ძლიერია.

ისინი რომ ერთმანეთს უპირისპირდებოდნენ, ჩემი აზრით ირლანდიელი გაიმარჯვებდა. რაც შეეხება ხაბიბ ნურმაგომედოვს, მისთვის ის სტილისტურად საკმაოდ უხერხული მეტოქეა. ასეთ დროს კი შანსები მინიმუმამდე მცირდება. კონორი საინტერესო სპორტსმენია და ჩემთვის მისი ბრძოლის ნახვა კრივშიც საინტერესო იქნებოდა", – ამბობს ალვარესი.

მას შემდეგ, რაც კონორ მაკგრეგორი ოქტაგონზე დაბრუნდა და დონალდ სერონე უმარტივესად დაამარცხა, მის მომავალ მეტოქედ ჯასტინ გეიჯს ასახელებდნენ, თუმცა ამერიკელს მოულოდნელად ხაბიბის ჩანაცვლება მოუწია და ის ცხრა მაისს UFC 249–ის ეგიდით ფერგიუსონს შეებრძოლება. ჯერჯერობით უცნობია თუ როდის, სად და ვისთან გამართავს კონორი მომდევნო შოუს.

ასევე იხილეთ: კონორ მაკგრეგორმა ტონი ფერგიუსონს მიმართა

ალვარესი: "მაკგრეგორი ფერგიუსონზე ძლიერია"

უახლესი ამბები