UFC–ს ლეგენდარული მებრძოლი, კანადელი ჯორჯ სენ პიერი დიდების დარბზის წევრი გახდა. ორგანიზაციამ ოფიციალურ გვერდზე ამასთან დაკავშირებით ვიდეო გამოაქვეყნა და 38 წლის ყოფილ სპორტსმენს მიულოცა.

შერეულ ორთაბრძოლებში ჯორჯს 28 დაპირისპირებიდან 26 გამარჯვება აქვს მოპოვებული და მხოლოდ ორჯერ დამარცხდა. შეგახსენებთ, რომ მან კარიერის დასრულების შესახებ თავდაპირველად 2013 წელს გამოაცხადა, როცა ტიტულის დაცვა ცხრაჯერ შეძლო, თუმცა შემდგომ დაბრუნდა და 2017-ში მაიკლ ბისპინგს მოუგო.

აღნიშნული გამარჯვებით ის გახდა ისტორიაში მეოთხე მებრძოლი, რომელმაც ჩემპიონობა ორ სხვადასხვა წონით კატეგორიაში მოახერხა. ორი წლის შემდეგ კი მან სპორტული კარიერის დასრულება საბოლოოდ გადაწყვიტა.

მიუხედავად ყველაფრისა, რამდენიმე კვირის წინ ხაბიბ ნურმაგომედოვის მენეჯერმა, ალი აბდელაზიზმა განაცხადა, რომ ჯორჯთან კარგი ურთიერთობა აკავშირებს და თუ მას დაღესტანელთან ბრძოლის სურვილი ექნება, შეუძლია ამ შოუს ორგანიზება გაუწიოს, თუმცა დიდი ალბათობით ეს არ მოხდება.

ასევე იხილეთ: ნურმაგომედოვმა ფერგიუსონს მიმართა

VIDEO | ჯორჯ სენ პიერი UFC–ს დიდების დარბაზის წევრია!

უახლესი ამბები