Dota 2-ის ქართული გუნდი, MonaspA, OMEGA League-ის საკვალიფიკაციო ეტაპზე გავიდა.

ჩვენებმა მონაწილეობა კავკასიისა და თურქეთის რეგიონის შესარჩევ ეტაპზე მიიღეს. დღეს მათ ნახევარფინალში, გუნდი “Dogss” უმძიმეს ბრძოლაში დაამარცხეს. ფინალში კი, რომელიც ასევე დღეს უნდა გამართულიყო, მოწინააღმდეგე გუნდმა “Burning Fires” თამაშზე უარი განაცხადა. შესაბამისად, MonaspA-მ პირველი ადგილი დაიკავა და მთავარ ტურნირამდე მხოლოდ ერთი ნაბიჯის, საკვალიფიკაციო ეტაპის გადალახვაღა აშორებს. მატჩის მთავარი გმირი, ქართველთა მხრიდან, მოთამაშე Lumière გახდა, რომელმაც გმირით „Juggernaut“ (ერთ-ერთი ყველაზე პოპულარული გმირი, რომელიც დოტას მთავარ პოსტერზეცაა გამოსახული) მატჩის მიწურულს ყველაფერი ჩვენების სასიკეთოთ შემოატრიალა. მანამდე MonaspA ყველა მონაცემით აგებდა.

შეგახსენებთ, რომ OMEGA League არის მსოფლიოში ცნობილი ორგანიზაციების, WePlay!-ის და Epic Esports-ის (ასევე ცნობილი როგორც EPICENTER) საერთო ტურნირი. იგი იყოფა ორ დივიზიონად. პირველი დივიზიონის საპრიზო ფონდი 500 000 დოლარი გახლავთ და მასში მიწვეულები არიან ისეთი ცნობილი გუნდები, როგორებიცაა - Team Secret, Natus Vincere, OG, Team Liquid და ა.შ.

მეორე დივიზიონის საპრიზო ფონდი, სადაც მოხვედრას MonaspA შეეცდება - 50 000 დოლარია.

Dota 2-ის ქართული გუნდი OMEGA League-ის საკვალიფიკაციო ეტაპზე გავიდა

უპრეცედენტო - ქართული გუნდი OMEGA League-ის საგზურისთვის იბრძოლებს

უახლესი ამბები