ცნობილია, რომ UFC–ს ერთ–ერთი ყველაზე პოპულარული მებრძოლი, ტონი ფერგიუსონი შინაური ცხოველების დიდი მოყვარულია. ის სოციალურ ქსელში საზოგადოებას ხშირად უჩვენებს მის ფრანგულ ბულდოგსა და გერმანულ ნაგაზს.

ამჯერად ტონიმ გაავრცელა ვიდეო, სადაც ჩანს, რომ ის თავის ოთხფეხა მეგობართან ერთად, სკეიტბორდით სეირნობს.

აქვე მოგახსენებთ, რომ ამერიკელის სურვილია, სამომავლოდ ჯასტინ გეიჯსა და ხაბიბ ნურმაგომედოვს შორის გამარჯვებულს დაუპირისპირდეს, თუმცა მზადაა, რომ მანამდე ერთი ბრძოლა გამართოს და როგორც თავად ამბობს, მნიშვნელობა არ აქვს თუ ვინ იქნება მისი მეტოქე. კონორ მაკგრეგორი, დასტინ პორიე თუ ვინმე სხვა. ის მზადაა ნებისმიერს შეებრძოლოს.

რაც შეეხება ხაბიბისა და ჯასტინის ბრძოლას, ის 24 ოქტომბერსაა ჩანიშნული, თუმცა როგორც ირკევა, დაღესტანელს სურს, რომ გეიჯის შემდეგ, კარიერის რიგით 30–ე ჩხუბი ლეგენდარული ჯორჯ სენ პიერის წინააღმდეგ ჩაატაროს, რის შემდეგაც სპორტის ამ სახეობიდან წასვლას აპირებს. GSP–ი კი ამბობს, რომ თუ ორგანიზაციას მისთვის საინტერესო შეთავაზება ექნება, რომელზეც უარს ვერ იტყვის, შეუძლიათ დაუკავშირდნენ. ეს კი იმას ნიშნავს, რომ იმ შემთხვევაში თუ ხაბიბი გეიჯს დაამარცხებს, ტონის მასთან შეხვედრის შანსი აღარ ექნება.

VIDEO ტონი ფერგიუსონმა სკეიტბორდით ძაღლთან ერთად გაისეირნა

ასევე იხილეთ

უახლესი ამბები