მოგეხსენებათ, რომ სუპერმძიმე წონითი კატეგორიაში ყოფილი მსოფლიოს ჩემპიონი, მაიკ ტაისონი, ოთხ წონით კატეგორიაში ასევე მსოფლიოს ყოფილ ჩემპიონ როი ჯონსს საქველმოქმედო ბრძოლაში უნდა დაუპირისპირდეს.

მათი ბრძოლის შესახებ ოფიციალურად დაანონსდა. თავდაპირველად გავრცელებული ინფორმაციის თანახმად, ისინი რინგზე ერთმანეთს ლას–ვეგასში, 12 სექტემბერს უნდა შეხვედროდნენ. აღნიშნული ღონისძიებისთვის კი "დიგნიტი ჰელტ სპორტს პარკის" არენას უნდა ემასპინძლა.

ახლა კი talkSPORT იტყობინება, რომ ბრძოლის თარიღმა გადაიწია, თუმცა სხვა დანარჩენი პირობები არ შეცვლილა და დაპირისპირება კვლავ ვეგასში, რამდენიმე თვის შემდეგ გაიმართება.

ივარაუდება, რომ აღნიშნული დაპირისპირება 12 სექტემბრის ნაცვლად, 28 ნოემბერს გაიმართება. ამის მიზეზი კი ის გახლავთ, რომ "რკინის მაიკის" წარმომადგენლის აზრით, თარიღის გადაწევა დამატებით ფინანსურ მოგებას მოიტანს.

შეგახსენებთ, რომ ტაისონმა კარიერა 2005 წელს დაასრულა. მის აქტივში 58 ბრძოლა და 50 გამარჯვება გახლავთ, რომელთაგანაც 44 შემთხვევაში მეტოქეების დანოკაუტება მოახერხა, ხოლო როი ჯონსი რინგიდან 2018 წელს წავიდა. მან კარიერაში 75 მატჩი გამართა, საიდანაც 66 გამარჯვება მოიპოვა და 47–ჯერ მოწინააღმდეგე ნოკაუტში გაუშვა.

ჯონსის თქმით, ის რინგზე დაბრუნებას აღარ აპირებდა, თუმცა როცა წინადადებით მაიკ ტაისონი მოგმართავს, რთულია მას უარი უთხრა. ასევე ვრცელდება ინფორმაცია, რომ ამ ბრძოლის წინ, როიმ ყურები დაიზღვია. როგორც "რკინის მაიკი" ამბობს თუ შესაძლებლობა მიეცემა, მზადაა როი ჯონსი დაანოკაუტოს.

ტაისონი VS ჯონსი – ბრძოლის თარიღი შეიცვალა!

მაყურებელი შოუს მოლოდინშია

თარიღი შეიცვალა

ასევე იხილეთ

უახლესი ამბები