ინგლისში, შეფილდში მიმდინარე სნუკერის მსოფლიო ჩემპიონატზე ნახევარფინალისტები გამოვლინდნენ.

მეოთხედფინალური ეტაპის პირველ დაპირისპირებაში ტურნირის ერთ-ერთმა ფავორიტმა და 3-გზის მსოფლიო ჩემპიონმა, მარკ სელბიმ 25-ფრეიმიან დაპირისპირებაში ავსტრალიელი, ერთგზის ჩემპიონი ნილ რობერტსონი (13:7) დაამარცხა.

ასევე, საუკეთესო ოთხეულთა შორის კირონ ვილსონი, რონი ო'სალივანი და ენტონი მაკგილი მოხვდნენ.

ვილსონმა ტურნირს ერთგზის მსოფლიო ჩემპიონი, ჯუდ ტრამპი გამოთიშა (13:9). ტურნირზე შემორჩენილებს შორის, ყველაზე ტიტულოვანმა (5 ტიტული), რონი ო'სალივანმა 3-გზის ტრიუმფატორი, უელსელი მარკ ვილიამსი (13:10) დაამარცხა.

ბოლო ნახევარფინალისტის ვინაობა კი კურტ მაფლინსა და ენტონი მაკგილს შორის გაირკვა. შოტლანდიელმა მოთამაშემ ნორვეგიელი 23 ფრეიმში (13:10) დაამარცხა და ინგლისელებს ოთხთა ფინალში შეუერთდა.

Four players remain in this year's @Betfred World Championship!@ronnieo147 🆚 @markjesterselby @KyrenWilson 🆚 Anthony McGill

Semi final schedule 👉 https://t.co/YAsv6sNj71 #ilovesnooker pic.twitter.com/TrmoCBXqQ7
— World Snooker Tour (@WeAreWST) August 11, 2020

ნახევარფინალური დაპირისპირებები დღეს, 12 აგვისტოს გაიმართება. Crucible Theater-ში ვილსონისა და მაკგილის შეხვედრა თბილისის დროით 16:00 საათზე დაიწყება. ხოლო, სელბისა და ო'სალივანის ინგლისური დაპირისპირება სტარტს 22:00 საათზე აიღებს.

ფინალური ეტაპის საგზურის მოსაპოვებლად მოთამაშეებს 17 ფრეიმის მოგება დასჭირდებათ. 2020 წლის მსოფლიო ჩემპიონატის გამარჯვებულის ვინაობა 16 აგვისტოს გამოვლინდება. ტურნირის საპრიზო ფონდი 2 395 000 ფუნტს შეადგენს, საიდანაც ტრიუმფატორი ტიტულტან ერთად 500 ათას ფუნტს მიიღებს.

სნუკერი - მსოფლიო ჩემპიონატზე ნახევარფინალისტები გამოვლინდნენ

ვილსონი - მაკგილი

სალივანი - სელბი

უახლესი ამბები